तुम्ही फक्त तुमच्या फोन नंबरची पडताळणी करू शकता, इतरांच्या नाही.
तुम्ही ज्या फोन नंबरची पडताळणी करत आहात, त्या फोन नंबरवर तुम्हाला फोन कॉल्स आणि SMS येतात का, याची खात्री करून घ्या.
कोणत्याही प्रकारची कॉल ब्लॉकिंग सेटिंग्ज, ॲप्स किंवा टास्क किलर्स डिसेबल केलेले असावेत.
तुमच्याकडे मोबाइल इंटरनेट किंवा वाय-फायवर उत्तम चालणारे इंटरनेट कनेक्शन असावे. तुम्ही रोमिंग मध्ये असाल किंवा कनेक्शन चांगले नसेल, तर ही पडताळणी व्यवस्थित पार पडणार नाही. तुमचे इंटरनेट कनेक्शन व्यवस्थित चालते आहे का हे पाहण्यासाठी तुमच्या फोनच्या इंटरनेट ब्राउझरमधून www.whatsapp.com उघडण्याचा प्रयत्न करा.
पडताळणी कशी कराल
तुमचा फोन नंबर एंटर करा :
ड्रॉप डाउन लिस्टमधून तुमचा देश निवडा. त्यानंतर डावीकडे तुमचा कंट्री कोड आपोआप एंटर होईल.
तुम्हाला SMS मधून जो ६ अंकी कोड मिळाला आहे, तो एंटर करा.
तुम्ही SMS मधून सहा अंकी कोड मिळाला नसल्यास,
प्रोग्रेस बार संपेपर्यंत प्रतीक्षा करा आणि पडताळणी प्रक्रिया पुन्हा एकदा करून पहा. याकरिता साधारण १० मिनिटे लागू शकतात.
कृपया, कोड अंदाजाने ओळखण्याचा प्रयत्न करू नका. असे केल्यास तुम्हाला ठराविक काळासाठी पडताळणी प्रक्रियेमधून लॉक आउट केले जाईल.
तुम्हाला कोड मिळण्याअगोदरच टायमर संपून गेला, तर फोन कॉलमधून कोड मिळवण्याचा पर्याय उपलब्ध करून दिला जाईल. कॉलची विनंती करण्यासाठी मला कॉल करा हा पर्याय निवडा. तुम्ही कॉलला उत्तर देता तेव्हा एक स्वयंचलित आवाज तुम्हाला ६ अंकी कोड सांगेल. तो कोड एंटर करा. अशारितीने WhatsApp ची पडताळणी पूर्ण होईल.
टीप : तुमच्या कॅरिअरनुसार तुम्हाला SMS किंवा फोन कॉलसाठी शुल्क लागू शकते.
समस्यांचे निराकरण करणे
तुम्हाला पडताळणी प्रक्रियेमध्ये अडचणी येत असतील तर खालील उपाय करून बघा :
तुमचा फोन रिबूट करा (फोन रिबूट करण्यासाठी तो बंद करा, ३० सेकंद प्रतीक्षा करा आणि तो परत सुरु करा).
तुम्हाला SMS येईल याची खात्री करण्यासाठी चाचणी म्हणून दुसऱ्या एखाद्या फोनवरून तुमच्या मोबाइल नंबरवर SMS पाठवा. तुमचा मोबाइल नंबर आणि कंट्री कोड तुम्ही WhatsApp मध्ये ज्या प्रकारे एंटर केला आहे, त्याच प्रकारे वापरा.
सुरक्षिततेच्या कारणास्तव आम्ही तुम्हाला दुसऱ्या कोणत्याही पद्धतीने तुमचा कोड पाठवू शकत नाही.
पुढील प्लॅटफॉर्म्सवर पडताळणी कशी करायची ते जाणून घ्या : iPhone