اپنے فون نمبر کی توثیق کرنے کا طریقہ
تقاضے
- آپ صرف اپنے زیر ملکیت فون نمبر کی ہی توثیق کر سکتے ہیں۔
- آپ جس فون نمبر کی توثیق کرنے کی کوشش کر رہے ہیں اس پر فون کالز اور SMS موصول کرنے کے قابل ہونے چاہئیں۔
- آپ کو کسی بھی قسم کی کال بلاک کرنے والی سیٹنگز، ایپس یا ٹاسک کلرز غیر فعال کر دینے چاہئیں۔
- آپ کے پاس موبائل ڈیٹا یا Wi-Fi کے ذریعے فعال انٹرنیٹ کنکشن ہونا چاہیئے۔ اگر آپ رومنگ ڈیٹا استعمال کر رہے ہوں یا آپ کا کنکشن خراب ہو تو ممکن ہے کہ توثیق کام نہ کرے۔ اپنے فون کے انٹرنیٹ براؤزر پر www.whatsapp.com کھول کر دیکھیں کہ کیا آپ انٹرنیٹ سے منسلک ہیں۔
توثیق کرنے کا طریقہ
- اپنا فون نمبر درج کریں:
- ڈراپ ڈاؤن کی فہرست سے اپنے ملک کا انتخاب کریں۔ یہ بائیں جانب آپ کے ملک کے کوڈ کو خودکار طریقے سے پُر کر دے گا۔
- دائیں جانب موجود باکس میں اپنا فون نمبر درج کریں۔ اپنے فون نمبر سے پہلے کوئی 0 نہ لگائیں۔
- کوڈ کی درخواست کرنے کے لیے اگلا پر ٹیپ کریں۔
- SMS کے ذریعے آپ کو موصول ہونے والا 6 ہندسوں کا کوڈ درج کریں۔
SMS کے ذریعے 6 ہندسوں والا کوڈ موصول نہ ہونے کی صورت میں
- پیشرفت کی بار ختم ہونے کا انتظار کریں اور دوبارہ کوشش کریں۔ اس انتظار میں 10 منٹ تک کا وقت لگ سکتا ہے۔
- کوڈ کا اندازہ نہ لگائیں ورنہ آپ مخصوص وقت کیلئے لاک آؤٹ ہو جائیں گے۔
- اگر آپ کو کوڈ موصول ہونے سے پہلے ٹائمر ختم ہو جاتا ہے تو فون کال کی درخواست کرنے کا آپشن نمودار ہوگا۔ کال کی درخواست کرنے کیلئے مجھے کال کریں کا آپشن منتخب کریں۔ جب آپ کال اٹھائیں گے تو ایک خودکار آواز آپ کو 6 ہندسوں کا کوڈ بتائے گی۔ WhatsApp کی توثیق کرنے کیلئے اسے درج کریں۔
نوٹ: آپ کے کیریئر کے لحاظ سے، آپ سے SMS یا فون کالز کے چارجز وصول کیے جا سکتے ہیں۔
ٹربل شوٹنگ کے مراحل
اگر آپ کو توثیق کرنے میں مسائل درپیش ہوں تو براہ کرم مندرجہ ذیل آزمائیں:
- اپنا فون ریبوٹ کریں (فون ریبوٹ کرنے کیلئے، اسے آف کر کے 30 سیکنڈ انتظار کریں اور واپس آن کریں)۔
- WhatsApp کو حذف کر کے تازہ ترین ورژن دوبارہ انسٹال کریں۔
- آپ کو پیغامات موصول ہو رہے ہیں یا نہیں یہ چیک کرنے کے لیے، کسی اور فون سے اپنے فون نمبر پر ٹیسٹ SMS بھیجیں اور ملکی کوڈ کے ساتھ فون نمبر بالکل ویسے ہی درج کریں جیسے آپ نے WhatsApp میں درج کیا ہے۔
سیکیورٹی کی وجوہات کے سبب ہم کسی اور طریقے سے آپ کا کوڈ نہیں بھیج سکتے۔
iPhone پر توثیق کرنے کا طریقہ جانیں