लाईव्ह लोकेशन हे फीचर वापरून तुम्ही सध्या कुठे आहात ते वैयक्तिक चॅट किंवा ग्रुप चॅटमध्ये ठराविक काळासाठी तात्काळ शेअर करू शकता. तुम्ही तुमचे लाईव्ह लोकेशन शेअर करायचे की नाही किंवा किती काळ शेअर करायचे हे नियंत्रित करू शकता. तसेच तुमचे लाईव्ह लोकेशन शेअर करणे तुम्ही कधीही थांबवू शकता. एकदा का थांबवले किंवा ते कालबाह्य झाले तर त्यानंतर तुमचे लाईव्ह लोकेशन शेअर केले जाणार नाही. तुमचे लाईव्ह लोकेशन शेअर केलेल्या व्यक्तींना स्थिर थंबनेल प्रतिमा म्हणून तुमचे लोकेशन दिसत राहील आणि तुमचे शेवटी अपडेट केलेले लोकेशन पाहण्यासाठी तुम्ही प्रतिमेवर टॅप करू शकता.

हे फीचर एन्ड टू एन्ड एन्क्रिप्ट केलेले आहे, याचा अर्थ तुमचे लाईव्ह लोकेशन तुम्ही ज्या व्यक्तींबरोबर शेअर केले आहे त्यांनाच फक्त ते दिसेल इतर कोणालाही नाही. WhatsApp च्या सुरक्षेबद्दल अधिक जाणून घेण्यासाठी, कृपया WhatsApp सुरक्षितता ला भेट द्या. WhatsApp च्या गोपनीयता पद्धतींच्या अधिक माहितीसाठी तुम्ही आमचे गोपनीयता धोरण देखील वाचू शकता.

तुमचे लाईव्ह लोकेशन शेअर करणे

1. तुम्ही तुमच्या फोनमध्ये सेटिंग्ज > ॲप आणि अधिसूचना > प्रगत > ॲप परवानग्या > स्थान > WhatsApp चालू करून लोकेशन परवानग्या चालू करा. तुम्ही असेही करू शकता, जर तुम्ही WhatsApp नुकतेच उघडले असेल तर सेटिंग्ज > ॲप्स आणि सूचना > WhatsApp > परवानग्या > स्थान चालू वर सेट करा.
2. वैयक्तिक किंवा ग्रुप चॅट उघडा.
3. संलग्न करा > स्थानलाईव्ह लोकेशन शेअर करा वर टॅप करा.
4. तुम्हाला जेवढ्या कालावधीसाठी तुमचे लाईव्ह लोकेशन शेअर करायचे आहे तो कालावधी निवडा. निवडलेल्या कालावधीनंतर तुमचे लाईव्ह लोकेशन शेअर होणे बंद होईल.
   • तुम्हाला हवे असल्यास, टिप्पणी जोडा.
5. पाठवा वर टॅप करा.

लाईव्ह लोकेशन शेअर करणे थांबवणे

विशिष्ट चॅटमध्ये लाईव्ह लोकेशन शेअर करणे थांबवणे

1. वैयक्तिक किंवा ग्रुप चॅट उघडा.
2. शेअर करणे थांबवा > थांबवा वर टॅप करा.

सर्व वैयक्तिक चॅट आणि ग्रुप चॅटमध्ये तुमचे लाईव्ह लोकेशन शेअर करणे थांबवणे

1. अधिक पर्याय > सेटिंग्ज > खाते > गोपनीयता > लाईव्ह लोकेशन वर टॅप करा.
2. शेअर करणे थांबवा > थांबवा वर टॅप करा.

टीप :

• तुम्ही तुमच्या फोनमध्ये सेटिंग्ज > ॲप्स आणि सूचना > प्रगत > ॲप परवानग्या > लोकेशन > WhatsApp येथे जाऊन लोकेशन परवानग्या कधीही बंद करू शकता.
• तुम्ही असेही करू शकता, जर तुम्ही WhatsApp नुकतेच उघडले असेल तर सेटिंग्ज > ॲप्स आणि सूचना > WhatsApp > परवानग्या > स्थान हे बंद वर सेट करा.

संबंधित लेख :

iPhone वर लाईव्ह लोकेशन कसे वापरायचे