Google Drive પરના બેકઅપમાંથી ડેટા રિસ્ટોર કરવા માટે

Google Drive પરના બેકઅપને સફળ રીતે રિસ્ટોર કરવા માટે, તમારે એ જ ફોન નંબર અને Google એકાઉન્ટ વાપરવું પડશે જે તમે બેકઅપ લેવા માટે વાપર્યું હતું.

બેકઅપ રિસ્ટોર કરવા માટે:

1. WhatsAppને અનઇન્સ્ટોલ કરીને ફરી ઇન્સ્ટોલ કરો.
2. WhatsApp ખોલીને તમારા નંબરની ખાતરી કરો.
3. પૂછવામાં આવે, ત્યારે રિસ્ટોર કરો પર દબાવીને તમારી ચેટ અને મીડિયા Google Drive પરથી રિસ્ટોર કરો.
4. રિસ્ટોર કરી લો પછી, આગળ પર દબાવો. શરૂઆતની પ્રક્રિયા પૂરી થઈ જાય એટલે તમારી ચેટ દેખાશે.
5. તમારી ચેટ રિસ્ટોર કર્યા બાદ, WhatsApp તમારી મીડિયા ફાઇલો રિસ્ટોર કરવાનું શરૂ કરશે.

જો તમે Google Driveમાંથી બેકઅપ લીધા વગર જ WhatsApp ઇન્સ્ટોલ કરો, તો WhatsApp તમારી લોકલ બેકઅપ ફાઇલમાંથી બેકઅપ આપમેળે રિસ્ટોર કરશે.

લોકલ બેકઅપમાંથી ડેટા રિસ્ટોર કરવા માટે

જો તમે લોકલ બેકઅપ વાપરવા માગતા હો, તો તમારે કમ્પ્યૂટર, ફાઇલ એક્સ્પ્લોરર કે SD કાર્ડ વાપરીને ફોનમાં ફાઇલો ટ્રાન્સફર કરવી પડશે.

નોંધ:

• તમારો ફોન છેલ્લા સાત દિવસ સુધીની લોકલ બેકઅપ ફાઇલોને સ્ટોર કરશે.
• લોકલ બેકઅપ દરરોજ રાત્રે 2 વાગ્યે આપમેળે બની જશે અને ફાઇલના સ્વરૂપમાં તમારા ફોનમાં સેવ થશે.
• જો તમારો ડેટા /sdcard/WhatsApp/ ફોલ્ડરમાં ન હોય, તો તમને તે "આંતરિક સંગ્રહ" કે "મુખ્ય સંગ્રહ" ફોલ્ડરોમાં દેખાઈ શકે છે.

થોડો જૂનો લોકલ બેકઅપ રિસ્ટોર કરવા માટે

જો તમે થોડો જૂનો લોકલ બેકઅપ રિસ્ટોર કરવા માગતા હો, તો તમારે નીચે જણાવ્યા પ્રમાણે કરવું પડશે:

1. ફાઇલ મેનેજર ઍપ ડાઉનલોડ કરો.
2. ફાઇલ મેનેજર ઍપમાંથી sdcard/WhatsApp/Databases પર જાઓ. જો તમારો ડેટા SD કાર્ડ પર સ્ટોર કરેલો નહિ હોય, તો તમને SD કાર્ડની જગ્યાએ "આંતરિક સંગ્રહ" કે "મુખ્ય સંગ્રહ" દેખાઈ શકે.
3. તમે રિસ્ટોર કરવા માગો છો તે બેકઅપ ફાઇલનું નામ msgstore-YYYY-MM-DD.1.db.crypt12 પરથી msgstore.db.crypt12 બદલો. એવું બની શકે કે પહેલાંનો બેકઅપ પહેલાંના પ્રોટોકોલ જેવા કે crypt9 કે crypt10 પર હોય. crypt એક્સટેન્શનનો નંબર બદલશો નહિ.
4. WhatsAppને અનઇન્સ્ટોલ કરીને ફરી ઇન્સ્ટોલ કરો.
5. જયારે પૂછવામાં આવે ત્યારે રિસ્ટોર કરો પર દબાવો.

સંબંધિત લેખો:

• Google Drive પર બેકઅપ કેવી રીતે લેવો
• Google Drive પર બેકઅપ બનાવી કે રિસ્ટોર કરી શકાતો નથી