पूर्वीचे चॅट रिस्टोअर कसे करावे
तुमची चॅट्स नवीन Android डिव्हाइसवर रिस्टोअर करण्याआधी त्यांचा बॅकअप घेतल्याची खात्री करण्यासाठी:
- WhatsApp > आणखी पर्याय
> सेटिंग्ज > चॅट्स > चॅट बॅकअप उघडा. - तुम्हाला चॅट्सचा बॅकअप ज्या Google खात्यामध्ये घ्यायचा आहे, ते खाते निवडा. तुम्ही तुमच्या डिव्हाइसवर लोकल बॅकअपदेखील तयार करू शकता.
- बॅकअप घ्या वर टॅप करा.
- बॅकअप सेव्ह केल्यानंतर, तुम्ही तुमच्या डिव्हाइसवरून WhatsApp काढून टाकू शकता आणि तुमच्या नवीन Android डिव्हाइसवर इंस्टॉल करू शकता.
Google ड्राइव्ह बॅकअपमधून रिस्टोअर करणे
Google ड्राइव्हवर तुमच्या पूर्वीच्या चॅटची कॉपी ठेवण्यासाठी, तुम्ही तुमच्या चॅट्ससाठी 'ऑटोमॅटिक बॅकअप' हे फीचर सुरू करू शकता आणि बॅकअपची वारंवारता दररोज, साप्ताहिक किंवा मासिक अशी निवडू शकता. Google ड्राइव्ह बॅकअप यशस्वीरीत्या रिस्टोअर करण्यासाठी, तुम्ही बॅकअप तयार करण्यासाठी वापरलेलाच फोन नंबर आणि Google खाते वापरणे आवश्यक आहे.
बॅकअप रिस्टोअर करण्यासाठी:
- तुमचा बॅकअप सेव्ह केला आहे त्या Google खात्याशी तुमचे नवीन Android डिव्हाइस लिंक केल्याची खात्री करा
- WhatsApp इंस्टॉल करा आणि उघडा. त्यानंतर, तुमच्या नंबरची पडताळणी करा.
- सूचित केल्यानंतर, Google ड्राइव्ह वरून तुमची चॅट्स आणि मीडिया फाइल्स रिस्टोअर करण्यासाठी रिस्टोअर करा वर टॅप करा.
- रिस्टोअर करण्याची प्रक्रिया पूर्ण झाल्यानंतर पुढे वर टॅप करा. सुरुवातीची प्रक्रिया पूर्ण झाल्यानंतर तुमची चॅट्स दिसू लागतील.
- तुमची चॅट्स रिस्टोअर केल्यानंतर, WhatsApp तुमच्या मीडिया फाइल्स रिस्टोअर करणे पुढे सुरू ठेवेल.
तुम्ही Google ड्राइव्ह मधून कोणत्याही प्रकारचा बॅकअप घेण्यापूर्वी WhatsApp इंस्टॉल केलेले असल्यास, WhatsApp तुमच्या लोकल बॅकअप फाइलमधून बॅकअप आपोआप रिस्टोअर करेल.
लोकल बॅकअपमधून रिस्टोअर करणे
लोकल बॅकअप वापरायचा असल्यास तुम्हाला कॉंप्युटर, फाइल एक्सप्लोरर किंवा SD कार्डच्या मदतीने तुमच्या फोनवर फाइल्स ट्रान्सफर कराव्या लागतील.
बॅकअप रिस्टोअर करण्यासाठी:
- फाइल मॅनेजर ॲप डाउनलोड करा.
- फाइल मॅनेजर ॲपमध्ये, तुमचे लोकल स्टोरेज किंवा SD कार्ड निवडा > WhatsApp > डेटाबेसेस यावर जा. तुमचा डेटा SD कार्डवर स्टोअर केलेला नसल्यास, तुम्हाला त्याऐवजी "अंतर्गत स्टोरेज" किंवा "मुख्य स्टोरेज" दिसेल. सर्वात अलीकडील बॅकअप फाइल तुमच्या नवीन डिव्हाइसवरील लोकल स्टोरेजच्या 'डेटाबेसेस' या फोल्डरमध्ये कॉपी करा.
- WhatsApp इंस्टॉल करा आणि उघडा. त्यानंतर, तुमच्या नंबरची पडताळणी करा.
- सूचित केल्यानंतर, लोकल बॅकअपमधून तुमची चॅट्स आणि मीडिया फाइल्स रिस्टोअर करण्यासाठी रिस्टोअर करा वर टॅप करा.
टीप:
- तुमचा फोन साधारणपणे मागील सात दिवसांत तयार होऊ शकतील इतक्या लोकल बॅकअप फाइल्स साठवेल.
- रोज रात्री २:०० वाजता आपोआप लोकल बॅकअप घेतला जातो आणि तुमच्या फोनमध्ये एका फाइलच्या स्वरूपात सेव्ह केला जातो.
- तुमचा डेटा /sdcard/WhatsApp/ फोल्डरमध्ये सेव्ह केलेला नसेल, तर तुम्हाला "अंतर्गत स्टोरेज" किंवा "मुख्य स्टोरेज" ही फोल्डर्स दिसतील.
थोडे जुने बॅकअप रिस्टोअर करणे
फारसा नवीन नसलेला लोकल बॅकअप रिस्टोअर करायचा असल्यास, खालील गोष्टी करणे आवश्यक आहे:
- फाइल मॅनेजर ॲप डाउनलोड करा.
- फाइल मॅनेजर ॲपमध्ये, तुमचे लोकल स्टोरेज किंवा SD कार्ड निवडा > WhatsApp > डेटाबेसेस यावर जा. तुमचा डेटा SD कार्डवर स्टोअर केलेला नसल्यास, तुम्हाला त्याऐवजी "अंतर्गत स्टोरेज" किंवा "मुख्य स्टोरेज" दिसेल.
- msgstore-YYYY-MM-DD.1.db.crypt12 वरून msgstore.db.crypt12 वर तुम्हाला जी फाइल रिस्टोअर करायची आहे त्या बॅकअप फाइलचे नाव बदला. तुमचा आधीचा बॅकअप, crypt9 किंवा crypt10 यांच्यासारखा पूर्वीचा प्रोटोकॉल वापरत असण्याची शक्यता आहे. crypt एक्स्टेंशनचा नंबर बदलू नका.
- WhatsApp अनइंस्टॉल करून पुन्हा इंस्टॉल करा.
- सूचित केल्यानंतर, रिस्टोअर करा वर टॅप करा.