नोटिफिकेशन्सबद्दलची प्राधान्ये तुमच्या WhatsApp सेटिंग्ज मध्ये सहज व्यवस्थापित करता येऊ शकतात.

WhatsApp नोटिफिकेशन सेटिंग्ज बदलणे

WhatsApp उघडा > अधिक पर्याय > सेटिंग्ज > नोटिफिकेशन्स वर टॅप करा.

तुम्ही संदेश, ग्रुप्स आणि कॉल्स साठी नोटिफिकेशन्स बदलण्यासाठी खालील गोष्टी करू शकता :

• इनकमिंग आणि आउटगोइंग संदेशांसाठी टोन्स सुरू ठेवावेत की बंद हे निवडू शकता.
• नोटिफिकेशन टोन आणि रिंगटोन.
• व्हायब्रेशनचा कालावधी.
• Android 9 आणि त्याआधीच्या आवृत्तींमध्ये पॉप अप नोटिफिकेशन्स दाखवायची की नाही हे निवडू शकता. हे सेट केल्यास स्क्रीनच्या मध्यभागी नोटिफिकेशन्स दिसतात.
• सपोर्ट असलेल्या फोन्समध्ये नोटिफिकेशन लाइटचा रंग काय असावा हे ठरवू शकता.
• Android 5 आणि त्याहून नवीन आवृत्तीमध्ये अधिक प्राधान्य असलेली नोटिफिकेशन्स निवडू शकता. यामुळे तुमच्या स्क्रीनच्या सर्वात वरच्या भागात नोटिफिकेशन्सची झलक दिसते. अशी झलक दिसणे नको असेल तर हे डिसेबल देखील करता येते.

टीप : अधिक प्राधान्य असलेली नोटिफिकेशन्स बंद ठेवली असल्यास ती WhatsApp नोटिफिकेशन्स स्क्रीनच्या तळाशी दिसतील.

तुम्हाला तुमची नोटिफिकेशन सेटिंग्ज रीसेट करायची असल्यास, सेटिंग्ज >नोटिफिकेशन्स > अधिक पर्याय > नोटिफिकेशन सेटिंग्ज रीसेट करा > रीसेट वर टॅप करा.

नोटिफिकेशन्स कस्टमाइझ करणे

टोन, व्हायब्रेशन, पॉप अप आणि लाइट असे विविध पर्याय वापरून नोटिफिकेशन्स कस्टमाइझ करण्यासाठी हे करा :

1. वैयक्तिक किंवा ग्रुप चॅट उघडा.
2. वैयक्तिक चॅट किंवा ग्रुप चॅटच्या नावावर टॅप करा.
3. ऐच्छिक नोटिफिकेशन्स वर टॅप करा > ऐच्छिक नोटिफिकेशन्स वापरा हे निवडा.

नोटिफिकेशन्स म्यूट करणे

1. वैयक्तिक किंवा ग्रुप चॅट उघडा.
2. वैयक्तिक चॅट किंवा ग्रुप चॅटच्या नावावर टॅप करा.
3. नोटिफिकेशन म्यूट करा वर टॅप करा.
4. तुम्हाला किती कालावधीसाठी नोटिफिकेशन्स म्यूट करायची आहेत ते निवडा आणि ठीक आहे वर टॅप करा.

तसेच, नोटिफिकेशन्स दिसणे बंद व्हावे यासाठी नोटिफिकेशन्स दाखवा समोर निवड केली असल्यास ती काढून टाका.

संबंधित लेख :

नोटिफिकेशन्स म्यूट किंवा अनम्यूट करणे : iPhone | वेब आणि डेस्कटॉप | KaiOS