WhatsApp તમને તમારા ફોટા અને વીડિયોમાં ઇમોજી, લખાણ અથવા દોરેલું ચિત્ર ઉમેરવા દે છે, જેથી તમે મનગમતા ફોટા અને વીડિયો બનાવી શકો.

ફોટા અને વીડિયોમાં ફેરફાર કરવા માટે

1. મેસેજ લખવાના બોક્સમાં આવેલા કેમેરા પર દબાવો.
2. કોઈ નવો ફોટો કે વીડિયો લો અથવા તો પિકરમાંથી કોઈ હાલનો ફોટો કે વીડિયો પસંદ કરો.
3. ફોટો કે વીડિયોમાં તમારે જે ઉમેરવું હોય તે પસંદ કરો.

સ્ટિકર કે ઇમોજી ઉમેરવા માટે

1. સ્ટિકર > સ્ટિકર કે ઇમોજી પર દબાવો.
2. તમે વાપરવા માગતા હો તે વસ્તુ પર દબાવો.
   • વસ્તુ ખસેડવા માટે તેને પકડી રાખો અને પછી ખેંચો.
   • વસ્તુના કદમાં ફેરફાર કરવા, ચપટી ભરી કે ખોલીને તેને નાની કે મોટી કરો.
   • વસ્તુને ફેરવવા માટે, ચપટી ભરીને તેને ફેરવો.

લખાણ ઉમેરવા માટે

1. સ્ક્રીનની ઉપરની બાજુ લખાણ પર દબાવો.
2. લખવાની જગ્યમાં ઇચ્છા મુજબ લખો.
   • રંગ પસંદ કરવા, રંગ સિલેક્ટર પર તમારી આંગળી ઉપર અને નીચે સરકાવો.
   • અક્ષરનો પ્રકાર પસંદ કરવા, રંગ સિલેક્ટર તરફથી તમારી આંગળી જમણેથી ડાબે સરકાવો. અક્ષરના પ્રકારની ખાતરી કરવા આંગળી ઉપાડી લો.
   • અક્ષરના કદમાં ફેરફાર કરવા, ચપટી ભરી કે ખોલીને તેને નાના કે મોટા કરો.
   • લખાણને ફેરવવા માટે, લખાણ પર ચપટી ભરીને તેને ફેરવો.

દોરવા માટે

1. સ્ક્રીનની ઉપર દોરો પર દબાવો.
2. દોરવા માટે તમારી આંગળી વાપરો.
   • રંગ પસંદ કરવા, રંગ સિલેક્ટર પર તમારી આંગળી ઉપર અને નીચે સરકાવો. તમે દોરો તે દરેક લાઇન માટે તમે રંગ પસંદ કરી શકો છો.

ફિલ્ટર લગાડવા માટે

1. ફોટો અને વીડિયો પર આંગળી ઉપરની તરફ ખસેડો.
2. ફિલ્ટર પસંદ કરો.