آپ صرف اپنے لیے پیغامات حذف کر سکتے ہیں یا درخواست کر سکتے ہیں کہ سبھی کے لیے پیغامات حذف کر دیے جائیں۔

سبھی کے لیے پیغامات حذف کریں

سبھی کیلئے پیغامات حذف کرنا آپ کے کسی انفرادی یا گروپ چیٹ پر بھیجے گئے مخصوص پیغامات کو حذف کرنے کی سہولت دیتا ہے۔ اگر آپ نے غلط چیٹ میں پیغام بھیج دیا ہو یا آپ کے بھیجے ہوئے پیغام میں کوئی غلطی ہو تو یہ خاص طور پر کارآمد ثابت ہوتا ہے۔

سبھی کے لیے کامیابی سے حذف کردہ پیغامات کو درج ذیل سے بدل دیا جائے گا:

"یہ پیغام حذف کر دیا گیا"

سبھی کے لیے پیغامات حذف کرنے کیلئے:

1. ‏WhatsApp کھول کر اس پیغام پر مشتمل چیٹ پر جائیں جسے آپ حذف کرنا چاہتے ہیں۔
2. اس پیغام پر ٹیپ کریں اور دبا کر رکھیں۔ اگر آپ چاہیں تو متعدد پیغامات بیک وقت حذف کرنے کیلئے مزید پیغامات منتخب کریں۔
3. حذف کریں > سبھی کیلئے حذف کریں پر ٹیپ کریں۔

نوٹ:

• سبھی کے لیے کامیابی کے ساتھ پیغامات کو حذف کرنے کیلئے، آپ اور وصول کنندگان کے لیے WhatsApp کا تازہ ترین ورژن استعمال کرنا ضروری ہے۔
• ہو سکتا ہے کہ iOS کے لیے WhatsApp استعمال کرنے والے وصول کنندگان نے اپنی تصاویر میں آپ کا بھیجا ہوا میڈیا اب بھی محفوظ کر رکھا ہو، WhatsApp چیٹ سے پیغام کو حذف کرنے کے بعد بھی۔
• ہو سکتا ہے موصول کنندگان آپ کا پیغام حذف ہونے سے پہلے یا پھر حذف کرنے میں ناکامی کی صورت میں دیکھ سکیں۔
• اگر پیغام سبھی کیلئے حذف کرنے میں ناکامی ہوئی تو آپ کو مطلع نہیں کیا جائے گا۔
• پیغام بھیجنے کے بعد سبھی کیلئے حذف کرنے کی درخواست کرنے کے لیے آپ کے پاس صرف لگ بھگ ایک گھنٹے کا وقت ہوتا ہے۔

اپنے لیے پیغامات حذف کریں

آپ ان پیغامات کی اپنی نقل حذف کر سکتے ہیں جو آپ نے اپنے فون سے بھیجے یا وصول کیے ہیں۔ اس کا آپ کے وصول کنندگان کی چیٹس پر کوئی اثر نہیں ہوتا۔ آپ کے وصول کنندگان کو ان کی چیٹ کی اسکرین پر بدستور تمام پیغامات دکھائی دیں گے۔

اپنے لیے پیغامات حذف کرنے کیلئے:

1. ‏WhatsApp کھول کر اس پیغام پر مشتمل چیٹ پر جائیں جسے آپ حذف کرنا چاہتے ہیں۔
2. اس پیغام پر ٹیپ کریں اور دبا کر رکھیں۔ اگر آپ چاہیں تو بیک وقت متعدد پیغامات کو حذف کرنے کیلئے مزید پیغامات پر ٹیپ کریں۔
3. حذف کریں > میرے لیے حذف کریں پر ٹیپ کریں۔

متعلقہ مضامین:

پیغامات حذف کرنے کا طریقہ: iPhone‏ | KaiOS

چیٹس صاف کرنے کا طریقہ: ‏iPhone‏ | Android