آپ 256 ممبرز کے ساتھ WhatsApp گروپ بنا سکتے ہیں۔

گروپ بنائیں

1. WhatsApp کھولیں > مزید آپشنز > نیا گروپ پر ٹیپ کریں۔
   • متبادل کے طور پر، نئی چیٹ > نیا گروپ پر ٹیپ کریں۔
2. گروپ میں شامل کرنے کے لیے روابط تلاش یا منتخب کریں۔ پھر سبز تیر کے نشان پر ٹیپ کریں۔
3. گروپ کا نام درج کریں۔ یہ گروپ کا وہ نام ہوگا جو تمام ممبرز کو دکھائی دے گا۔
• نام کی حد 25 کریکٹرز ہے۔
• آپ ایموجی کے آئیکن پر کلک کر کے نام میں ایموجی شامل کر سکتے ہیں۔
• اگر آپ چاہیں تو کیمرا آئیکن پر ٹیپ کر کے گروپ آئیکن شامل کر سکتے ہیں۔ تصویر شامل کرنے کیلئے آپ اپنے کیمرا، گیلری یا ویب پر تلاش کریں کو استعمال کرنے کا انتخاب کر سکتے ہیں۔ ایک بار سیٹ ہونے کے بعد، آئیکن چیٹس ٹیب میں گروپ کے ساتھ ظاہر ہو گا۔
4. کام مکمل ہو جانے پر سبز چیک کے نشان پر ٹیپ کریں۔

گروپس میں لنکس کے ذریعے مدعو کریں

اگر آپ گروپ ایڈمن ہیں تو آپ لوگوں سے بس لنک شیئر کر کے انہیں اپنے گروپ میں شامل ہونے کیلئے مدعو کر سکتے ہیں۔ ایڈمن کسی بھی وقت پچھلے دعوتی لنک کو ناقابل استعمال بنانے اور نیا لنک بنانے کے لئے لنک ری سیٹ کریں کی خصوصیت استعمال کر سکتا ہے۔

1. ‏WhatsApp گروپ چیٹ کھولیں پھر گروپ کے نام پر ٹیپ کریں۔
   • متبادل طور پر، چیٹس ٹیب میں گروپ پر ٹیپ کریں اور دبا کر رکھیں۔ پھر، مزید آپشنز > گروپ کی معلومات پر ٹیپ کریں۔
2. لنک کے ذریعے مدعو کریں پر ٹیپ کریں۔
3. ‏WhatsApp کے ذریعے لنک بھیجیں، لنک کاپی کریں، کسی اور ایپ کے ذریعے لنک شیئر کریں یا ‏QR کوڈ میں سے منتخب کریں۔
   • اگر WhatsApp کے ذریعے بھیج رہے ہوں تو روابط تلاش یا منتخب کریں، پھر بھیجیں پر ٹیپ کریں۔
   • لنک ری سیٹ کرنے کیلئے، لنک ری سیٹ کریں > لنک ری سیٹ کریں پر ٹیپ کریں۔

نوٹ: آپ جس بھی WhatsApp صارف کے ساتھ دعوتی لِنک شیئر کرتے ہیں وہ گروپ میں شامل ہو سکتا ہے، لہذا اس خصوصیت کو صرف قابل اعتماد لوگوں کے ساتھ ہی استعمال کریں۔ کسی اور شخص کیلئے دوسرے لوگوں کو لنک فارورڈ کرنا ممکن ہے جو اس کے بعد گروپ ایڈمن کی جانب سے بغیر کسی اضافی منظوری کے گروپ میں شامل ہو سکتے ہیں۔