ગ્રૂપ કેવી રીતે બનાવવું

1. WhatsApp ખોલો, વધુ વિકલ્પો > સેટિંગ પર દબાવો.
   • વૈકલ્પિક રીતે, નવી ચેટ > નવું ગ્રૂપ પર દબાવો.
2. ગ્રૂપમાં ઉમેરવા માટે સંપર્કો શોધો અથવા પસંદ કરો. પછી લીલા તીર પર દબાવો.
3. ગ્રૂપનો વિષય લખો. રાખેલો વિષય એ ગ્રૂપનું નામ હશે જે બધા સભ્યો જોઈ શકશે.
   • વિષયની મર્યાદા 25 અક્ષરોની છે.
   • ઇમોજી પર દબાવીને તમે તમારા વિષયમાં ઇમોજી ઉમેરી શકો છો.
   • વૈકલ્પિક રીતે, કેમેરાની નિશાની દબાવીને ગ્રૂપનો ફોટો ઉમેરો. કોઈ ફોટો ઉમેરવા માટે તમે તમારા કેમેરા અને ગેલેરીનો ઉપયોગ કરી શકો છો અથવા તો વેબ પર શોધો પસંદ કરી શકો છો. સેટ થઈ જવા પર, આ ફોટો તમારી ચેટ ટેબમાં તે ગ્રૂપની બાજુમાં દેખાશે.
4. થઈ જાય એટલે લીલી ખારાની નિશાનીને દબાવો.

લિંક મોકલીને ગ્રૂપમાં આમંત્રિત કરવા વિશે

જો તમે ગ્રૂપ એડમિન હો, તો તમે લોકો સાથે માત્ર એક લિંક શેર કરીને તેઓને ગ્રૂપમાં આમંત્રિત કરી શકો છો. કોઈ ગ્રૂપમાં જોડાવા આમંત્રણની લિંક શેર કરવા માટે:

1. WhatsApp ગ્રૂપ ચેટમાં જઈને, ગ્રૂપના વિષય પર દબાવો.
   • વૈકલ્પિક રીતે, ચેટ ટેબમાં જે ગ્રૂપની આમંત્રણ લિંક શેર કરવી હોય તેના પર દબાવી રાખો. પછી વધુ વિકલ્પો > ગ્રૂપની માહિતી પર દબાવો.
2. લિંક મારફતે ગ્રૂપમાં આમંત્રિત કરો પર દબાવો.
3. WhatsApp મારફતે લિંક મોકલો, લિંક કોપી કરો અથવા બીજી ઍપ મારફતે લિંક શેર કરો પસંદ કરો.
   • જો WhatsAppથી મોકલો છો, તો જે સંપર્કોને આમંત્રણ મોકલવું હોય તેને શોધો કે પસંદ કરો, પછી મોકલો પર દબાવો

એડમિન કોઈ પણ સમયે અગાઉ મોકલેલી આમંત્રણ લિંકને લિંક પાછી ખેંચો વાપરીને અમાન્ય કરી શકે છે અને નવી લિંક બનાવી શકે છે.

જે પણ WhatsApp વપરાશકર્તા સાથે તમે આમંત્રણ લિંક શેર કરશો તે ગ્રૂપમાં જોડાઈ શકે છે, તેથી આ સુવિધાનો માત્ર ભરોસાપાત્ર લોકો માટે ઉપયોગ કરો. એ લિંક કોઈ વ્યક્તિ બીજા લોકોને ફોરવર્ડ કરી શકે છે, જે પછી ગ્રૂપ એડમિનની વધુ મંજૂરી વગર ગ્રૂપમાં જોડાઈ શકે છે.