મૂળ સેટિંગ પ્રમાણે, WhatsApp તમને તમારા નવા ફોટા જલદીથી બતાવવા માટે, ફોટાને તમારું મોબાઇલ ઇન્ટરનેટ વાપરીને આપમેળેે ડાઉનલોડ કરી દેશે.

ફોટો, વીડિયો કે ઓડિયો આપમેળે ડાઉનલોડ થાય તે માટે સેટિંગ કરવા, માત્ર WhatsApp પર જાઓ > વધુ વિકલ્પો > સેટિંગ > ડેટા અને સંગ્રહ વપરાશ > આપમેળે મીડિયા ડાઉનલોડ કરો પર દબાવો.

અહીં તમે WhatsApp ક્યારે આપમેળે મીડિયા ડાઉનલોડ કરશે તે પસંદ કરી શકો છો.

નોંધ: કોરોના વાઇરસ (COVID-19)ની વૈશ્વિક મહામારી દરમિયાન મોબાઇલ નેટવર્ક પર વધનારા સંભવિત ટ્રાફિકને પહોંચી વળવા માટે WhatsApp બીજી સેવાઓ સાથે જોડાઈ રહી છે. મોબાઇલ નેટવર્કમાં આવતી સમસ્યાને ઓછી કરવા માટે અમે અમુક ચૂંટેલાં ક્ષેત્રોમાં ડોક્યુમેન્ટ, વીડિયો અને ઓડિયો મેસેજ માટે આપમેળે ડાઉનલોડ થવાની સુવિધા બંધ કરી દીધી છે.

મોબાઇલ ડેટાના ઉપયોગ દરમિયાન

જ્યારે તમે મોબાઇલ ડેટાથી જોડાશો ત્યારે પસંદગી કરેલાં મીડિયા આપમેળે ડાઉનલોડ થઈ જશે.

જ્યારે વાઇ-ફાઇથી જોડાયેલા હશો ત્યારે

જ્યારે તમે વાઇ-ફાઇથી જોડાશો ત્યારે પસંદગી કરેલાં મીડિયા આપમેળે ડાઉનલોડ થઈ જશે.

રોમિંગ દરમિયાન

રોમિંગ દરમિયાન પસંદગી કરેલાં મીડિયા આપમેળે ડાઉનલોડ થઈ જશે.

નોંધ: રોમિંગ દરમિયાન આપમેળે ડાઉનલોડ થવાનું ચાલુ રાખવાથી, તમારા મોબાઇલ ઓપરેટર તરફથી તમને વધારાનો ચાર્જ લાગી શકે છે, કેમ કે રોમિંગ ડેટા મોટે ભાગે મોંઘો હોય છે.

તમારી ગેલેરીમાં આપમેળે ડાઉનલોડ થયેલાં મીડિયા દેખાશે. જો તમે બધાં WhatsApp મીડિયા તમારી ગેલેરીમાં દેખાવાના બંધ કરવા માગતા હો, તો અમારી ભલામણ છે કે તમે તમારા WhatsApp ફોટા, ઓડિયો અને વીડિયો ફોલ્ડરમાં એક .nomedia ફાઇલ કે ફોલ્ડર બનાવો. તમે આવું Google Play સ્ટોરમાંથી કોઈ ફાઇલ એક્સપ્લોરર વાપરીને કરી શકો છો. જો પાછળથી તમારો વિચાર બદલાય, તો તમે માત્ર .nomedia ફાઇલ ડિલીટ કરી શકો છો અને આમ કરવાથી WhatsApp મીડિયા ફરી તમારી ગેલેરીમાં દેખાશે.

iPhone પર આપમેળે ડાઉનલોડ કેવી રીતે કરવું તે શીખો