तुमचा WhatsApp डेटा नवीन फोनवर ट्रान्सफर करायचा सोपा मार्ग म्हणजे Google ड्राइव्हचा वापर करणे. Google ड्राइव्ह वर तुमच्या चॅटचा बॅकअप घेण्यापूर्वी तुम्ही तुमचा फोन वाय-फायशी कनेक्ट करावा असे आम्ही सुचवतो, कारण बॅकअप फाइल्सची साइझ वेगवेगळी असू शकते आणि त्यासाठी जास्त मोबाइल डेटा वापरला जाऊन अतिरिक्त शुल्क लागू शकते.

टीप :

• WhatsApp बॅकअप्स आता Google ड्राइव्ह स्टोरेज कोट्यावर परिणाम करत नाहीत.
• WhatsApp बॅकअप्स हे फोन नंबरशी आणि ज्या Google खात्यावर ते तयार केले आहेत, त्या खात्याशी संलग्न असतात.
• जे WhatsApp बॅकअप्स एका वर्षाहून अधिक काळ अपडेट केले गेलेले नाहीत, ते Google ड्राइव्ह मधून आपोआप काढून टाकले जातात. तुम्हाला बॅकअप्स गमवावे लागू नयेत यासाठी तुम्ही तुमच्या WhatsApp डेटाचा बॅकअप घेत राहावा असे आम्ही सुचवतो.
• प्रथमच बॅकअप घेत असाल तर त्याला बराच वेळ लागू शकतो. कृपया तुमचा फोन चार्जिंगला लावूनच ठेवा.
• तुम्ही जेव्हा एकच Google खाते वापरून Google ड्राइव्ह बॅकअप तयार करत असता, तेव्हा त्यापूर्वी घेतलेला Google ड्राइव्ह बॅकअप ओव्हरराइट होतो. ओव्हरराइट झालेला जुना Google ड्राइव्ह बॅकअप रिस्टोअर करण्याचा कोणताही मार्ग नाही.
• तुम्ही Google ड्राइव्ह मध्ये घेतलेल्या मीडिया आणि मेसेजेसच्या बॅकअपला WhatsApp च्या एन्ड टू एन्ड एन्क्रिप्शनचे संरक्षण लाभलेले नसते.

संबंधित लेख :

• Google ड्राइव्ह बॅकअप तयार करणे
• तुमचे पूर्वीचे चॅट रिस्टोअर करणे
• Google ड्राइव्ह बॅकअप तयार किंवा रिस्टोअर करता न येणे