Unaweza kuifuta akaunti yako ukiwa kwenye WhatsApp. Kufuta akaunti yako ni mchakato usioweza kutenduliwa, ambao hatuwezi kuubatilisha hata kama umeufanya kimakosa.

Kuifuta akaunti yako

1. Fungua WhatsApp.
2. Gusa Hiari zaidi > Mipangilio > Akaunti > Futa akaunti yangu.
3. Weka nambari yako ya simu katika mfumo kamili wa kimataifa kisha uguse FUTA AKAUNTI YANGU.
4. Chagua sababu ya kufuta akaunti kutoka kwenye orodha kujunzi.
5. Gusa FUTA AKAUNTI YANGU.

Kuifuta akaunti yako kutafanya yafuatayo:

• Kutafuta akaunti yako kutoka kwenye WhatsApp.
• Kutafuta historia yako ya ujumbe.
• Kutakufuta kutoka kwenye vikundi vyako vyote vya WhatsApp.
• Kutafuta chelezo uliyoweka kwenye Hifadhi ya Google.

Ukiifuta akaunti yako:

• Huwezi kurejesha upatikanaji wa akaunti yako.
• Inaweza kuchukua hadi siku 90 kutoka mwanzo wa mchakato wa kufuta ili kufuta taarifa zako zilizo kwenye WhatsApp. Nakala ya taarifa zako huenda pia zikabaki baada ya siku 90 kwenye hifadhi ya chelezo ambayo huwa tunaitumia ili kurejesha taarifa endapo kuna mkasa, hitilafu ya programu au tukio jingine la kupoteza data. Hutapata taarifa zako kwenye WhatsApp katika kipindi hicho.
• Hutaathiri taarifa zako zinazohusiana na vikundi ulivyounda au taarifa kukuhusu ambazo watumiaji wengine wanazo, kama vile nakala ya ujumbe uliowatumia.
• Nakala za nyenzo kama vile rekodi za kumbukumbu zinaweza kubaki katika hifadhidata yetu lakini hazitahusishwa na taarifa binafsi zinazoweza kukutambulisha.
• Tunaweza pia kuweka taarifa zako kwa ajili ya mambo kama vile masuala ya kisheria, ukiukaji wa masharti, au juhudi za kuzuia madhara.
• Tafadhali rejelea sehemu ya Sheria na Ulinzi katika Sera yetu ya Faragha ili upate maelezo zaidi.
• Taarifa zako ulizoshiriki na Mashirika ya Facebook pia zitafutwa.

Rasilimali zinazohusiana:

Pata maelezo zaidi kuhusu jinsi ya kufuta akaunti yako kwenye: iPhone | KaiOS