तुम्ही तुमचे खाते WhatsApp मधून डिलीट अर्थात हटवू करू शकता. खाते डिलीट करणे ही एक अशी प्रक्रिया आहे जी परत उलट होऊ शकत नाही, तुमच्याकडून चुकून झाले असले तरीही.

तुमचे WhatsApp खाते डिलीट करण्यासाठी हे करा

1. WhatsApp उघडा.
2. अधिक पर्याय > सेटिंग्ज > खाते > माझे खाते हटवा येथे टॅप करा.
3. तुमचा फोन नंबर संपूर्ण आंतरराष्ट्रीय स्वरूपामध्ये प्रविष्ट करा आणि माझे खाते हटवा वर टॅप करा.
4. तुम्ही तुमचे खाते का हटवित आहात ते खाली येणाऱ्या पर्यायांमधून निवडा.
5. माझे खाते हटवा वर टॅप करा.

खाते हटविल्याने हे होईल :

• तुमचे खाते WhatsApp मधून काढून टाकले जाईल.
• तुमचा संदेश इतिहास नष्ट होईल.
• तुम्हाला तुमच्या सर्व WhatsApp ग्रुप्समधून काढून टाकले जाईल.
• तुमचा Google ड्राइव्ह बॅकअप पुसून टाकला जाईल.

तुम्ही तुमचे खाते हटविल्यानंतर :

• तुमच्या खात्यामध्ये तुम्ही परत प्रवेश करू शकणार नाही.
• तुमची WhatsApp माहिती हटविण्याची प्रक्रिया सुरु होऊन ती पूर्ण होण्यासाठी नव्वद दिवसांचा कालावधी लागू शकतो. तांत्रिक अडचणी, सॉफ्टवेअरमधील त्रुटी किंवा डेटा नष्ट होण्याच्या इतर काही कारणांमुळे नव्वद दिवसांनंतरही तुमचा डेटा बॅकअप स्टोरेजमध्ये राखलेला असू शकतो. या काळात तुमची माहिती WhatsApp वर उपलब्ध नसते.
• इतर वापरकर्त्यांकडे तुमची जी माहिती आहे तिच्यामध्ये काहीही बदल होणार नाही जसे की तुम्ही त्यांना पाठविलेले संदेश हटविले जाणार नाहीत.
• काही गोष्टींची प्रत जसे की लॉग रेकॉर्ड्स आमच्याकडे राहील परंतु त्यामध्ये वैयक्तिक माहिती नसेल.
• आम्ही तुमची माहिती कायदेशीर समस्या, अटींचे उल्लंघन किंवा हानी प्रतिबंधक गोष्टींसाठी देखील सेव्ह करून ठेवू शकतो.
• कृपया आमच्या गोपनीयता धोरणामधील कायदा आणि सुरक्षा या विभागात याविषयी अधिक जाणून घ्या.
• तुमची वैयक्तिक माहिती जी इतर Facebook कंपनींबरोबर शेअर केली गेली आहे ती हटविली जाईल.

संबंधित लेख :

पुढील प्लॅटफॉर्मवर, तुमचे खाते कसे हटवाल याविषयी अधिक जाणून घ्या : iPhone | KaiOS