ब्रॉडकास्ट लिस्ट्सचा वापर कसा करावा

Android

iPhone

एकाचवेळी अनेक संपर्कांना मेसेज पाठवण्यासाठी ब्रॉडकास्ट लिस्ट फीचर वापरा. ब्रॉडकास्ट लिस्ट म्हणजे तुम्ही ज्या संपर्कांना वारंवार मेसेजेस पाठवता अशा प्राप्तकर्त्यांची सेव्ह केलेली सूची होय. अशा सर्व संपर्कांना ब्रॉडकास्ट लिस्टमध्ये जोडल्याने त्या संपर्कांना प्रत्येक वेळी निवडण्याची आवश्यकता नसते.

ब्रॉडकास्ट लिस्ट तयार करणे

चॅट्स > ब्रॉडकास्ट लिस्ट्स > नवीन लिस्ट यावर टॅप करा.

तुम्हाला जो संपर्क जोडायचा आहे, तो शोधा किंवा निवडा.

तयार करा वर टॅप करा.

तुमच्या ब्रॉडकास्ट लिस्टमधून पाठवलेला मेसेज प्राप्तकर्त्यांना त्यांच्या चॅट्स टॅबमध्ये सर्वसामान्य मेसेजप्रमाणेच प्राप्त होतो. त्या मेसेजला दिलेले प्रत्युत्तरदेखील सर्वसामान्य मेसेजप्रमाणे दिसेल आणि ते ब्रॉडकास्ट लिस्टमधील इतर संपर्कांना पाठवले जाणार नाही.

टीप: ज्या लोकांनी तुम्हाला त्यांच्या फोनमधील संपर्कांमध्ये जोडले आहे, फक्त त्यांनाच तुमचा ब्रॉडकास्ट मेसेज प्राप्त होईल. एखाद्या व्यक्तीला तुमचे ब्रॉडकास्ट मेसेजेस मिळत नसल्यास, त्यांनी त्यांच्या संपर्कांमध्ये तुमचा नंबर सेव्ह केला आहे याची खात्री करा. ब्रॉडकास्ट लिस्ट्समुळे एका व्यक्तीला अनेक लोकांपर्यत आपला मेसेज पोहोचवता येतो. तुमच्या प्राप्तकर्त्यांनी ग्रुप संभाषणामध्ये सहभागी व्हावे असे तुम्हाला वाटत असल्यास, तुम्ही ब्रॉडकास्ट लिस्टऐवजी ग्रुप चॅट तयार करणे आवश्यक आहे.

ब्रॉडकास्ट लिस्ट संपादित करणे

तुमच्या ब्रॉडकास्ट लिस्ट्स उघडा.

तुम्ही संपादित करू इच्छिता त्या लिस्टच्या शेजारील "i" आयकॉनवर टॅप करा.

लिस्टसंबंधित माहिती स्क्रीनवर तुम्ही पुढील गोष्टी करू शकता:

तुमच्या ब्रॉडकास्ट लिस्टचे नाव बदलणे.
लिस्ट संपादित करा... वर टॅप करून लिस्टमध्ये प्राप्तकर्ते जोडणे किंवा लिस्टमधून प्राप्तकर्ते काढणे.

ब्रॉडकास्ट लिस्ट हटवणे

चॅट्स > ब्रॉडकास्ट लिस्ट्स यावर टॅप करा.

जी ब्रॉडकास्ट लिस्ट काढायची आहे तिच्यावर डावीकडे स्वाइप करा.

हटवा वर टॅप करा.

किंवा, संपादित करा वर टॅप करा आणि तुम्ही हटवू इच्छिता त्या लिस्टच्या शेजारील "–" आयकॉन > हटवा यावर टॅप करा.