Kuhusu ufumbaji wa mwisho hadi mwisho

Faragha na usalama vipo kwenye damu yetu, ndiyo maana tumebuni ufumbaji wa mwisho hadi mwisho ndani ya programu yetu. Ufumbaji wa mwisho hadi mwisho ukiwepo, ujumbe, picha, video, ujumbe wa sauti, nyaraka, masasisho ya hali na simu zako hulindwa ili zisiingie kwenye mikono isiyofaa.

Utumaji ujumbe wa binafsi

Mfumo wa WhatsApp wa ufumbaji wa mwisho hadi mwisho hutumika wakati wa soga kati yako na mtu mwingine anayetumia WhatsApp Messenger. Ufumbaji wa mwisho hadi mwisho huhakikisha kuwa ni wewe na mtu unayewasiliana naye pekee ndio mnaweza kusoma ujumbe au kusikiliza mawasiliano na kwamba hakuna mtu yeyote, hata WhatsApp yenyewe. Hii ni kwa sababu kwa kutumia ufumbaji wa mwisho hadi mwisho, ujumbe wako hulindwa kwa kufuli, ni wewe na mpokeaji pekee ndio mlio na ufunguo maalumu wa kuufungua na kusoma ujumbe huo. Haya yote hufanyika kiotomatiki: hutakiwi kuwasha mipangilio yoyote maalumu ili kuhakikisha usalama wa ujumbe wako.

Utumaji ujumbe wa kibiashara

Kila ujumbe wa WhatsApp hulindwa na itifaki ileile ya ufumbaji wa Ishara ambao hudumisha usalama wa ujumbe kabla haujatoka kwenye kifaa chako. Unapotuma ujumbe kwenda kwenye akaunti ya biashara ya WhatsApp, ujumbe wako hufikishwa kwa usalama kwenye sehemu iliyochaguliwa na biashara hiyo.
WhatsApp huchukulia kwamba soga kati yako na biashara zinazotumia programu ya WhatsApp Business au zinazodhibiti na kujihifadhia ujumbe wa wateja huwa zimefumbwa mwisho hadi mwisho. Baada ya ujumbe kupokelewa, utakuwa chini ya taratibu za faragha za biashara husika. Biashara hiyo inaweza kuwapa idadi fulani ya wafanyakazi au hata mashirika mengine, jukumu la kuchakata na kujibu ujumbe.
Baadhi ya biashara zinachagua kampuni kuu ya WhatsApp, ambayo ni Meta, katika kuhifadhi ujumbe kwa usalama na kujibu wateja. Meta haitatumia kiotomatiki ujumbe unaoituma biashara kuarifu matangazo unayoyaona. Hata hivyo, biashara zitaweza kutumia soga wanazopokea kwa madhumuni yao wenyewe ya uuzaji, ikiwa ni pamoja na kutangaza kwenye Meta. Unaweza kuwasiliana na biashara husika wakati wowote ili upate maelezo zaidi kuhusu taratibu zake za faragha.
Dokezo:
  • Hali ya kuwa soga imefumbwa mwisho hadi mwisho haiwezi kubadilika bila mabadiliko hayo kuonekana kwa mtumiaji. Kwa maelezo zaidi kuhusu ni soga zipi hufumbwa mwisho hadi mwisho, tafadhali soma waraka wetu rasmi.
  • Kuna huduma za hiari ambazo biashara au wewe unaweza kuchagua kutumia Meta inapopokea maelezo machache. Kwa mfano, unaweza kuchagua kuanzisha soga na biashara baada ya kuona tangazo lake kwenye Facebook na Instagram au kuona ofa na matangazo ambayo biashara inaweza kukutumia kwenye WhatsApp. Tunazindua aikoni ya >> juu ya upau wa soga ili upate huduma hizi, ambayo utaweza kugusa ili upate maelezo zaidi kuhusu jinsi aikoni hii inavyofanya kazi.

Malipo

Huduma ya malipo kwenye WhatsApp, ambayo inapatikana katika nchi zilizochaguliwa, inawezesha uhamishaji kati ya akaunti kwenye taasisi za kifedha. Kadi na namba za benki zinahifadhiwa zikiwa zimefumbwa kwenye mtandao wenye usalama sana. Hata hivyo, kwa kuwa taasisi za kifedha haziwezi kushughulikia miamala bila kupokea taarifa zinazohusiana na malipo haya, malipo haya hayafumbwi kwa ufumbaji wa mwisho hadi mwisho.

Skrini ya "Thibitisha Msimbo wa Usalama" kwenye skrini ya maelezo ya mawasiliano ni nini?

Soga zinazofumbwa mwisho hadi mwisho kati yako na mtu mwingine zina msimbo wao wa usalama. Msimbo huu hutumika kuthibitisha kwamba simu na ujumbe unaotuma kwenye soga husika umefumbwa mwisho hadi mwisho.
Kumbuka: Mchakato wa uthibitishaji ni wa hiari kwa soga zilizofumbwa mwisho hadi mwisho na unatumiwa tu kuthibitisha kuwa ujumbe unaotuma na simu unazopiga zimefumbwa mwisho hadi mwisho.
Msimbo huu unapatikana kwenye skrini ya maelezo ya unayewasiliana naye, ukiwa msimbo wa QR pamoja na namba yenye tarakimu 60. Misimbo hii ni ya kipekee kwa kila soga binafsi na inaweza kulinganishwa kati ya watu katika kila soga ili kuthibitisha kwamba ujumbe huo unaotuma kwenye soga umefumbwa mwisho hadi mwisho. Misimbo ya usalama ni matoleo yanayoonekana ya funguo maalumu zinazoshirikiwa kati yenu, na usiwe na wasiwasi, misimbo hii si funguo halisi, funguo hizo huwa siri za kila wakati. Unapothibitisha kuwa soga imefumbwa kwa ufumbaji wa mwisho hadi mwisho, kufanya hivyo pia kunathibitisha kuwa orodha yako ya vifaa na vya unayewasiliana naye vilivyounganishwa vimesasishwa.
Ili uthibitishe kuwa soga imefumbwa mwisho hadi mwisho:
  1. Fungua soga.
  2. Gusa jina la anwani ili ufungue maelezo ya anwani.
  3. Gusa Ufumbaji ili uangalie msimbo wa QR na namba yenye tarakimu 60.
Ikiwa wewe na unayewasiliana naye mko karibu, mmoja wenu anaweza kuchanganua msimbo wa QR wa mwenzake au kuuangalia ili kulinganisha namba yenye tarakimu 60. Ukichanganua msimbo wa QR na msimbo huo uwe unalingana, alama ya kijani itaonekana. Kwa kuwa inalingana, unaweza kuwa na uhakika hakuna mtu anayeingilia kati ya ujumbe au simu zako.
Ikiwa wewe na unayewasiliana naye hamko karibu, unaweza kumtumia namba yenye tarakimu 60 kupitia mfumo mwingine. Mjulishe unayewasiliana naye kwamba mara tu apokeapo msimbo wako, anapaswa kuuandika na kisha kuulinganisha na namba yenye tarakimu 60 inayoonekana kwenye skrini ya maelezo ya anwani chini ya sehemu ya Ufumbaji. Kwa Android na iPhone, unaweza kutumia kitufe cha Shiriki kilicho katika skrini ya Thibitisha Msimbo wa Usalama kutuma namba yenye tarakimu 60 kupitia SMS, barua pepe nk.
Ikiwa misimbo haifanani, inawezekana kuwa unachanganua msimbo wa mtu tofauti au namba tofauti ya simu. Ikiwa unayewasiliana naye amesakinisha upya WhatsApp hivi karibuni, amebadili simu au ameongeza au kuondoa kifaa kilichounganishwa, tunapendekeza ufanye upya msimbo kwa kumtumia ujumbe mpya na kisha kuuchanganua msimbo huo. Pata maelezo zaidi kuhusu kubadilisha misimbo ya usalama kwenye makala haya.
Tafadhali kumbuka, ikiwa wewe au unayewasiliana naye mnatumia WhatsApp kwenye vifaa vingi, utahitaji kuthibitisha msimbo wa usalama kwenye vifaa vyako vyote na vya unayewasiliana naye.
Pia, WhatsApp hutoa uthibitishaji wa misimbo hii kiotomatiki kupitia mchakato unaoitwa uwazi muhimu, ambao unaweza kupata maelezo zaidi kuhusu uthibitishaji huo katika waraka wetu rasmi.
Ili kuangalia hali ya uthibitishaji wa kiotomatiki wa soga yako inayofumbwa mwisho hadi mwisho:
  1. Fungua soga.
  2. Gusa jina la anwani ili ufungue maelezo ya anwani.
  3. Gusa Ufumbaji ili uangalie taarifa ya uthibitishaji wa kiotomatiki iliyosasishwa, msimbo wa QR na namba yenye tarakimu 60 ili uthibitishe mwenyewe.

Kwa nini WhatsApp inatoa ufumbaji wa mwisho hadi mwisho na ina maana gani kwa kuwaweka watu salama?

Usalama ni muhimu kwa huduma ambayo WhatsApp inayotoa. Tumeona mifano mingi ambapo wadukuzi wahalifu walipata kiasi kikubwa cha data za binafsi kinyume na sheria na kutumia vibaya teknolojia ili kuwaumiza watu na taarifa zao zilizoibiwa. Tangu tulipomaliza utekelezaji wa ufumbaji wa mwisho hadi mwisho mwaka 2016, usalama dijitali umezidi kuwa muhimu.
WhatsApp haina uwezo wa kuona maudhui ya ujumbe au kusikiliza simu zilizofumbwa mwisho hadi mwisho. Hiyo ni kwa sababu ufumbaji na ufumbuaji wa ujumbe uliotumwa na kupokelewa kwenye WhatsApp hufanyika kikamilifu kwenye kifaa chako. Kabla ya ujumbe kuondoka kwenye kifaa chako, huwa umelindwa kwa kufuli la usimbaji, ni mpokeaji pekee ndiye ana funguo za ujumbe. Zaidi ya hayo, funguo hubadilika kwa kila ujumbe unaotumwa. Ingawa haya yote hufanyika chinichini, unaweza kuthibitisha kuwa mazungumzo yako yanalindwa kwa kuangalia uthibitisho wa msimbo wa usalama kwenye kifaa chako. Unaweza kupata maelezo zaidi kuhusu utendaji huu kwenye waraka wetu rasmi.
Kwa kawaida, watu huuliza ufumbaji wa mwisho hadi mwisho una athari gani kwa utekelezaji wa sheria. WhatsApp inathamini kazi ambayo inafanywa na watekelezaji wa sheria katika kuwaweka watu salama kote duniani. Huwa tunahakiki, kuthibitisha na kujibu maombi ya watekelezaji wa sheria kwa umakini kulingana na sheria na sera husika na tunaweka kipaumbele kwa maombi ya dharura. Kama sehemu ya juhudi zetu za elimu, tumechapisha maelezo kwa ajili ya watekelezaji wa sheria kuhusu maelezo machache tunayokusanya na jinsi wanavyoweza kuyaomba kwenye WhatsApp, ambayo unaweza kuyasoma hapa.
Kupata maelezo zaidi kuhusu usalama wako kwenye WhatsApp, tafadhali tembelea Usalama wa WhatsApp.

Je, hili linajibu swali lako?

Ndiyo
La