तुमच्या फोन नंबरची नोंदणी कशी करावी

Android
iOS
KaiOS
तुम्ही WhatsApp वर वापरू इच्छित असलेला नंबर तुमच्या मालकीचा असल्याचे कन्फर्म करण्यासाठी आम्ही तुम्हाला नोंदणी कोड पाठवतो. नोंदणी कोड हा युनिक असतो आणि तुम्ही जेव्हा फोन नंबर किंवा डिव्हाइस बदलून त्याची नोंदणी करता, तेव्हा प्रत्येक वेळी तो बदलतो. तुम्ही एसएमएस किंवा फोन कॉलद्वारे नोंदणी करू शकता.
टीप: तुम्‍ही तुमची प्रारंभिक नोंदणी किंवा टू-स्‍टेप व्‍हेरिफिकेशन यादरम्‍यान तुमच्‍या WhatsApp सेंटिंग्‍जमध्‍ये तुमच्‍या खात्‍यामध्ये तुमचा ईमेल ॲड्रेस जोडला असेल, तर तुम्‍ही तुमच्‍या फोन नंबरची पुन्‍हा नोंदणी करत असल्‍यास, तुम्‍हाला ईमेलद्वारे कोड मिळू शकतो.
तुमच्‍या फोन नंबरची WhatsApp सह नोंदणी केल्यानंतर, भविष्‍यातील पडताळणीसाठी पासकी वापरून तुम्‍ही असल्‍याची पडताळणी करण्‍याकरिता तुम्‍ही तुमचे फिंगरप्रिंट, तुमचा चेहरा किंवा स्‍क्रीन लॉक वापरू शकता. पासकी सेट करण्यासाठी, हा लेख पहा.

नोंदणीसंबंधित आवश्यकता

  • तुम्ही फक्त तुमच्या फोन नंबरची नोंदणी करू शकता.
  • तुम्ही ज्या फोन नंबरची नोंदणी करत आहात, त्या फोन नंबरवर तुम्हाला फोन कॉल्स आणि एसएमएस प्राप्त करता येणे आवश्यक आहे.
  • तुम्ही तुमच्या फोनवर WhatsApp ची नवीनतम आवृत्ती वापरत असल्याची खात्री करा.
  • तुमची कोणतीही कॉल ब्लॉकिंग सेटिंग्ज, ॲप्स किंवा टास्क किलर्स हे सर्व 'बंद' वर सेट असायला हवे.
  • तुमच्याकडे मोबाइल इंटरनेट किंवा वाय-फायवर उत्तम चालणारे इंटरनेट कनेक्शन असावे. तुम्ही रोमिंगमध्ये असल्यास किंवा कनेक्शन चांगले नसल्यास, नोंदणी व्यवस्थित पार पडणार नाही. खात्री करून घेण्यासाठी एखादे वेबपेज उघडून पहा.
  • तुमच्या फोनवर आंतरराष्ट्रीय एसएमएस येत आहे याची खात्री करणे आवश्यक आहे.
  • iPod Touch किंवा iPad सारखे सपोर्ट नसलेली डिव्हाइस वापरू नका.
  • तुमचे डिव्हाइस जेलब्रोकन नाही ना, हे तपासा.
  • तुम्हाला WhatsApp Business आणि WhatsApp दोन्हीही वापरायचे असेल, तर तुम्हाला प्रत्येक ॲपसाठी युनिक फोन नंबर वापरावा लागेल.
  • तुम्ही सपोर्ट असलेला फोन नंबर वापरत आहात याची खात्री करा. सपोर्ट नसलेल्या फोन नंबरची WhatsApp वर नोंदणी केली जाऊ शकत नाही. या फोन नंबर्समध्ये खालील फोन नंबर्सचा समावेश आहे:
    • VoIP
    • लँडलाइन. टीप: लँडलाइन नंबर्सना फक्त WhatsApp Business ॲपवर सपोर्ट आहे.
    • टोल-फ्री नंबर्स
    • पेड प्रीमियम नंबर्स
    • युनिव्हर्सल ॲक्सेस नंबर्स (UAN)

नोंदणी कशी करावी

तुम्ही एसएमएस मेसेज किंवा फोन कॉलद्वारे तुमच्‍या फोन नंबरची नोंदणी करू शकता. तुमच्या सर्व्हिस प्रोव्हाइडरनुसार, तुम्हाला एसएमएस किंवा फोन कॉल्ससाठी शुल्क लागू शकते.

एसएमएस वापरून नोंदणी करण्यासाठी

  1. तुमचा फोन नंबर एंटर करा:
    • ड्रॉप-डाउन लिस्टमधून तुमचा देश निवडा. यामुळे डावीकडे तुमचा कंट्री कोड आपोआप एंटर होईल.
    • उजवीकडील चौकटीमध्ये मोबाइल नंबर एंटर करा. तुमच्या फोन नंबरच्या आधी 0 लावू नका.
  2. कोडची विनंती करण्यासाठी पुढे वर टॅप करा.
    • टीप: तुमची नोंदणी ज्या देशात झाली आहे त्या कंट्री कोडसह फोन नंबरवरून WhatsApp सामान्यपणे एसएमएस किंवा ऑटोमेटेड व्हॉईस कॉलद्वारे व्हेरिफिकेशन कोड पाठवते. iCloud कीचेन सुरू केले असल्यास आणि तुम्ही हा नंबर आधीपासून कन्फर्म केला असल्यास, तुमची नोंदणी कोड प्राप्त न करताही आपोआप केली जाऊ शकते.
  3. तुम्हाला एसएमएसद्वारे मिळालेला ६ अंकी कोड एंटर करा.
  4. नोंदणी केल्‍यानंतर, तुमची WhatsApp सेटिंग्‍ज > खाते > ईमेल ॲड्रेस यामध्‍ये जाऊन तुमच्‍या खात्‍यामध्ये तुमचा ईमेल ॲड्रेस कधीही जोडा. यामुळे तुम्‍ही पुढच्‍या वेळी लॉग इन केल्‍यावर तुमचे खाते ॲक्सेस करण्‍यात मदत होते.

फोन कॉल वापरून नोंदणी करण्यासाठी

एसएमएस वापरून नोंदणी करायची नसल्यास, तुम्ही फोन कॉल प्राप्त करून WhatsApp साठी नोंदणी करू शकता. फोन कॉल वापरून नोंदणी कशी करावी जाणून घेण्यासाठी हा मदत लेख पहा.

समस्यांचे निराकरण

तुम्हाला एसएमएसने सहा अंकी कोड मिळाला नसल्यास:

  • प्रोग्रेस बार संपेपर्यंत प्रतीक्षा करा आणि पुन्हा प्रयत्न करा. याकरिता साधारण १० मिनिटे लागू शकतात.
  • पडताळणी कोड अंदाजाने ओळखण्याचा प्रयत्न करू नका. असे केल्यास तुम्हाला ठरावीक काळासाठी लॉक आउट केले जाईल.
  • तुम्हाला कोड मिळण्याअगोदरच टायमर संपून गेला, तर फोन कॉलमधून कोड मिळवण्याचा पर्याय उपलब्ध करून दिला जाईल. कॉलची विनंती करण्यासाठी, मला कॉल करा वर टॅप करा. तुम्ही कॉलला उत्तर द्याल, तेव्हा एक ऑटोमेटेड आवाज तुम्हाला ६ अंकी पडताळणी कोड सांगेल. तो कोड एंटर करून पडताळणी पूर्ण करा.
तुम्‍हाला नोंदणी पूर्ण करण्‍यात अजूनही समस्‍या असल्‍यास, अधिक टिपांसाठी हा लेख वाचा.

संबंधित लेख:

तुमच्या प्रश्नाचे उत्तर मिळाले?

होय
नाही