તમારો ફોન નંબર રજિસ્ટર કેવી રીતે કરવો

Android
iOS
KaiOS
તમે WhatsApp પર જે ફોન નંબર વાપરવા માગો છો, તે તમારી માલિકીનો હોવાની ખાતરી કરવા માટે અમે તમને રજિસ્ટ્રેશન કોડ મોકલીએ છીએ. આ રજિસ્ટ્રેશન કોડ એકમાત્ર અને અલગ હોય છે તથા તમે જયારે પણ કોઈ નવા ફોન નંબર કે ડિવાઇસને રજિસ્ટર કરો, ત્યારે દરેક વખતે બદલાય છે. તમે SMS મેસેજ કે ફોન કૉલથી રજિસ્ટર કરાવી શકો છો.
નોંધ: જો તમે તમારા ફોન નંબરને ફરીથી રજિસ્ટર કરી રહ્યાં હો અને જો તમે તમારા WhatsApp સેટિંગમાં, તમારા શરૂઆતના રજિસ્ટ્રેશન દરમિયાન કે બે વાર ખાતરીના સેટઅપ દરમિયાન, તમારા એકાઉન્ટમાં તમારું ઇમેઇલ એડ્રેસ ઉમેર્યું હોય, તો તમે ઇમેઇલથી કોડ મેળવી શકો છો.
WhatsApp સાથે તમારો ફોન નંબર રજિસ્ટર કરાવ્યા પછી, તમે ભવિષ્યની ખાતરી માટે પાસ કી સાથે તમારી ફિંગરપ્રિન્ટ, ફેસ કે સ્ક્રીન લૉકનો ઉપયોગ કરી શકો છો. પાસ કી સેટ અપ કરવા માટે, આ લેખ વાંચો.
રજિસ્ટ્રેશન માટેની જરૂરિયાતો
  • તમે માત્ર તમારા ફોન નંબરને જ રજિસ્ટર કરી શકો છો.
  • તમે જે ફોન નંબર રજિસ્ટર કરવાનો પ્રયત્ન કરી રહ્યા હો, તે નંબર પર ફોન કૉલ અને SMSની સુવિધા ચાલુ હોવી જોઈએ.
  • ખાતરી કરો કે તમારા ફોનમાં WhatsAppનું લેટેસ્ટ વર્ઝન ઇન્સ્ટોલ કરેલું છે.
  • કૉલને પ્રતિબંધિત કરતા કોઈ પણ સેટિંગ, ઍપ કે કામ અવરોધકો (ટાસ્ક-કિલર્સ) બંધ હોવાં જોઈએ.
  • તમે મોબાઇલ ડેટા કે વાઇ-ફાઇ જે પણ વાપરી રહ્યા હો તેના પર તમારું ઇન્ટરનેટ ચાલતું હોવું જોઈએ. જો તમે મુસાફરીમાં હો કે કનેક્શન ખરાબ હોય, તો રજિસ્ટર ન પણ થઈ શકે. ખાતરી કરવા માટે કોઈ વેબ પેજ ખોલી જુઓ.
  • તમારો ફોન આંતરરાષ્ટ્રીય SMS મેળવી શકતો હોવો જરૂરી છે.
  • iPod Touch કે iPad જેવું સપોર્ટ ન કરવામાં આવતું ડિવાઇસ વાપરો નહિ.
  • તમારું ડિવાઇસ જેલબ્રોકન (બિનસત્તાવાર) નથી.
  • જો તમે WhatsApp Business અને WhatsApp બંને વાપરવા માંગતા હો, તો તમારે દરેક ઍપ માટે વિશિષ્ટ ફોન નંબરનો ઉપયોગ કરવો જરૂરી છે.
  • ખાતરી કરો કે તમે સપોર્ટ કરાતો ફોન નંબર વાપરી રહ્યાં છો. સપોર્ટ ન કરાતા ફોન નંબર કે જેને WhatsApp પર રજિસ્ટર કરી શકાતો નથી, તેમાં આનો સમાવેશ થાય છે:
    • VoIP
    • લેન્ડલાઇન. નોંધ: લેન્ડલાઇનને માત્ર WhatsApp Business ઍપ પર જ સપોર્ટ કરવામાં આવે છે.
    • ટોલ-ફ્રી નંબર
    • પેમેન્ટ કરીને લીધેલા પ્રીમિયમ નંબરો
    • યુનિવર્સલ એક્સેસ નંબર (UAN)
રજિસ્ટર કરવાની રીત
તમે SMS મેસેજ કે ફોન કૉલથી તમારો ફોન નંબર રજિસ્ટર કરાવી શકો છો. તમારા મોબાઇલ નેટવર્કના આધારે, બની શકે કે તમને SMS અને ફોન કૉલ માટે ચાર્જ લાગે.
SMSથી રજિસ્ટર કરવા માટે
  1. તમારો ફોન નંબર લખો:
    • ડ્રોપ-ડાઉન લિસ્ટમાંથી તમારો દેશ પસંદ કરો. આમ કરવાથી ડાબી બાજુના બોક્સમાં દેશનો કોડ આપમેળે ભરાઈ જશે.
    • જમણી બાજુના બોક્સમાં તમારો ફોન નંબર લખો. તમારા ફોન નંબરની આગળ 0 લખશો નહિ.
  2. કોડની વિનંતી કરવા માટે આગળ પર દબાવો.
    • નોંધ: WhatsApp સામાન્ય રીતે તમે જે દેશમાંથી રજિસ્ટર કરી રહ્યા હો, તે દેશના કોડ સાથેના ફોન નંબરથી SMS અથવા આપમેળે વોઇસ કૉલથી ખાતરીનો કોડ મોકલે છે. જો iCloud Keychain ચાલુ છે અને તમારા નંબરની પહેલાં ખાતરી કરી હતી, તો કોડ મેળવ્યા વિના તમે આપમેળે રજિસ્ટર થઈ શકો છો.
  3. તમને SMSમાં આલેવો 6 અંકોનો કોડ લખો.
  4. રજિસ્ટર કર્યા પછી, તમારા WhatsApp સેટિંગ > એકાઉન્ટ > ઇમેઇલ એડ્રેસમાં કોઈ પણ સમયે તમારા એકાઉન્ટમાં તમારું ઇમેઇલ એડ્રેસ ઉમેરો. આ તમને આગલી વખતે જ્યારે તમે લોગ ઇન કરો ત્યારે તમારા એકાઉન્ટમાં પ્રવેશ કરવામાં મદદ કરે છે.
ફોન કૉલથી રજિસ્ટર કરવા માટે
જો તમે SMSથી રજિસ્ટર કરાવવાનું પસંદ ન કરો તો તમે ફોન કૉલ મેળવીને WhatsApp માટે રજિસ્ટર કરાવી શકો છો. મદદ લેખમાં ફોન નંબર સાથે નોંધણી કેવી રીતે કરી શકાય તે શીખો.
મુશ્કેલી નિવારણ માટેનાં પગલાં
જો તમને 6 અંકોનો કોડ SMSથી મળ્યો ન હોય, તો:
  • પ્રક્રિયા ચાલુ છે તે બતાવતી લીલી લીટી પૂરી થઈ જાય તેની રાહ જોયા પછી ફરી પ્રયત્ન કરો. કદાચ 10 મિનિટ જેટલી રાહ જોવી પડે.
  • અંદાજો લગાવીને કોઈ કોડ અજમાવતા નહિ, નહિતર તમે થોડા સમય સુધી WhatsApp વાપરી નહિ શકો.
  • જો ટાઇમર પૂરું થઈ જવા સુધી કોડ ન મળે, તો કૉલ માટે વિનંતી કરવાનો વિકલ્પ દેખાશે. કૉલની વિનંતી કરવા માટે મને કૉલ કરો પર દબાવો. તમે કૉલ ઉપાડશો એટલે સામેથી તમને આપમેળે 6 અંકોનો કોડ જણાવવામાં આવશે. ખાતરી કરવા માટે તે કોડ નાખો.
જો તમને હજુ પણ રજિસ્ટ્રેશન પૂર્ણ કરવામાં સમસ્યા આવી રહી હોય, તો વધુ ટિપ્સ માટે આ લેખ વાંચો.
સંબંધિત લેખ
શું આનાથી તમારા પ્રશ્નનો જવાબ મળે છે?
હા
નહીં