جنوری 2021 میں WhatsApp کی پرائیویسی پالیسی میں کی گئی اپ ڈیٹ سے متعلق آپ کے سوالات کے جوابات
لنک کاپی کریں
آخری بار ترمیم کی گئی: مئی 2024
جنوری 2021 میں ہم نے ایک اپ ڈیٹ کردہ پرائیویسی پالیسی متعارف کروانی شروع کی تھی، اور ہم لوگوں کی جانب سے پوچھے گئے کچھ عام سوالات کا جواب دینا چاہتے ہیں۔ ہم کڑی محنت کرتے ہیں تاکہ WhatsApp کو اس طرح بنائیں جس سے لوگوں کی بات چیت نجی اور محفوظ رہے۔
ہم یہ واضح کرنا چاہتے ہیں کہ پالیسی اپ ڈیٹ سے دوستوں یا فیملی کے ساتھ آپ کے میسجز کی پرائیویسی پر کسی بھی طرح اثر نہیں پڑتا ہے۔ یہ تبدیلیاں WhatsApp پر آپشنل کاروباری خصوصیات سے متعلق ہیں، اور یہ ہمارے ڈیٹا اکٹھا کرنے اور ان کا استعمال کرنے کے بارے میں مزید شفافیت فراہم کرتی ہیں۔ نئی کاروباری خصوصیات اور WhatsApp کے پرائیویسی پالیسی اپ ڈیٹ کے بارے میں مزید یہاں جانیں۔
آپ کے ذاتی میسجز کی پرائیویسی اور سیکیورٹی
ہم آپ کے ذاتی میسجز نہیں دیکھ سکتے، نہ ہی آپ کی کالز سن سکتے ہیں اور نہ ہی Meta ایسا کر سکتا ہے: WhatsApp یا Meta، کسی کے لیے بھی ممکن نہیں ہے کہ WhatsApp پر آپ کے دوستوں، فیملی اور ساتھ میں کام کرنے والوں کو بھیجے گئے آپ کے میسجز دیکھ سکیں یا کالز سن سکیں۔ آپ جو بھی شیئر کرتے ہیں، وہ آپ ہی کے درمیان رہتا ہے۔ اس کی وجہ یہ ہے کہ آپ کے ذاتی پیغامات اینڈ ٹو اینڈ انکرپشن کے ذریعے محفوظ ہوتے ہیں۔ ہم اس سیکیورٹی کو کبھی کمزور نہیں کریں گے اور ہم ہر چیٹ پر واضح لیبل لگاتے ہیں تاکہ آپ ہمارے عہد اور ذمہ داری کے بارے میں جان سکیں۔ WhatsApp کی سیکیورٹی کے بارے میں یہاں مزید جانیں۔
ہم یہ ریکارڈز اپنے پاس نہیں رکھتے کہ کون کسے میسج بھیج رہا ہے یا کال کر رہا ہے: جبکہ روایتی موبائل کیریئرز اور آپریٹرز یہ معلومات اسٹور کرتے ہیں، ہم یہ سمجھتے ہیں کہ دو ارب صارفین کے ان ریکارڈز کو برقرار رکھنا پرائیویسی اور سیکیورٹی دونوں کیلئے خطرہ ثابت ہو سکتا ہے، لہذا ہم ایسا نہیں کرتے۔
ہم آپ کا شیئر کردہ لوکیشن نہیں دیکھ سکتے اور نہ ہی Meta دیکھ سکتا ہے: جب آپ WhatsApp پر کسی کے ساتھ اپنا لوکیشن شیئر کرتے ہیں تو آپ کا لوکیشن اینڈ ٹو اینڈ انکرپشن کے ذریعے محفوظ ہوتا ہے جس کا مطلب ہے کہ صرف وہی لوگ آپ کا لوکیشن دیکھ سکتے ہیں جن کے ساتھ آپ شیئر کرتے ہیں۔ دوسرا کوئی بھی شخص آپ کا لوکیشن نہیں دیکھ سکتا۔
ہم Meta کے ساتھ آپ کے روابط کو شیئر نہیں کرتے ہیں: آپ کی اجازت کے بعد ہم آپ کے آلے کے روابط سے صرف فون نمبرز تک رسائی حاصل کرتے ہیں تاکہ ہم میسجنگ کو تیز اور قابل اعتماد بنا سکیں اور ہم Meta کمپنی کی طرف سے فراہم کی جانے والی دیگر ایپس کے ساتھ بھی آپ کی روابط کی فہرست شیئر نہیں کرتے۔
گروپس نجی ہوتے ہیں: ہم میسجز ڈیلیور کرنے اور اپنی سروس کو اسپام اور غلط استعمال سے بچانے کے لیے گروپ ممبرشپ کا استعمال کرتے ہیں۔ ہم اشتہارات کے مقاصد کے لیے یہ ڈیٹا Meta کے ساتھ شیئر نہیں کرتے ہیں۔ ایک بار پھر دہراتے چلیں کہ یہ ذاتی چیٹس اینڈ ٹو اینڈ اینکرپٹڈ ہوتی ہیں لہذا ہم ان کا مواد نہیں دیکھ سکتے۔
آپ اپنے میسجز کو غائب ہونے کے لیے سیٹ کر سکتے ہیں: مزید پرائیویسی کی خاطر، آپ یہ سیٹ کر سکتے ہیں کہ آپ کے میسجز بھیجے جانے کے بعد چیٹس سے خود بخود غائب ہو جائيں۔ اس ہیلپ سنٹر کے مضمون میں مزید جانیں۔
آپ اپنا ڈیٹا ڈاؤن لوڈ کر سکتے ہیں: آپ ایپ کے اندر سے ہی اپنے اکاؤنٹ کی وہ معلومات ڈاؤن لوڈ کر کے دیکھ سکتے ہیں جو ہمارے پاس ہوتی ہیں۔ اس ہیلپ سنٹر کے مضمون میں مزید جانیں۔
کاروباری میسجنگ اور Meta کے ساتھ ہمارا کام کرنے کا طریقہ
دنیا بھر میں روزانہ لاکھوں، کروڑوں لوگ WhatsApp پر چھوٹے بڑے ہر طرح کے کاروبار کے ساتھ محفوظ طریقے سے بات چیت کرتے ہیں۔ ہم کاروبار کے ساتھ ان کی بات چیت کو اور بھی آسان اور بہتر بنانا چاہتے ہیں۔ جب بھی آپ کسی ایسے کاروبار سے WhatsApp پر بات کریں گے جو ان خصوصیات کا استعمال کرتا ہے تو ہم آپ کو واضح طور پر بتا دیں گے۔
Meta کے ذریعہ ہوسٹ کردہ کلاؤڈ API: بزنسز کے ساتھ میسجنگ آپ کی فیملی یا دوستوں کے ساتھ میسجنگ سے مختلف ہوتی ہے۔ کچھ بڑے بزنسز کو اپنی بات چیت کا نظم کرنے کیلئے ہوسٹنگ سروسز استعمال کرنے کی ضرورت ہوتی ہے۔ یہی وجہ ہے کہ ہم کاروباروں کو Meta کی جانب سے محفوظ ہوسٹنگ سروسز استعمال کرنے کا آپشن دے رہے ہیں تاکہ وہ اپنے کسٹمرز کے ساتھ WhatsApp چیٹس کا نظم کر سکیں، سوالات کا جواب دے سکیں اور خریداری کی رسیدوں جیسی کارآمد معلومات بھیج سکیں۔ لیکن چاہے آپ فون یا ای میل کے ذریعے کسی کاروبار کے ساتھ بات چیت کریں یا پھر WhatsApp کے ذریعے، وہ کاروبار یہ دیکھ سکتا ہے کہ آپ کیا کہہ رہے ہیں اور اس معلومات کو اپنی مارکیٹنگ کی غرض سے استعمال کر سکتا ہے جس میں Meta پر اشتہار دکھانا شامل ہو سکتا ہے۔ آپ کو پوری طرح آگاہ رکھنے کے لیے، ہم ان بزنسز کے ساتھ کی جانے والی گفتگو پر واضح لیبل دکھاتے ہیں جو Meta کی ہوسٹنگ سروسز استعمال کرتے ہیں۔
کسی بزنس کو دریافت کرنا: آپ Facebook یا Instagram پر اشتہار دیکھ سکتے ہیں جس پر WhatsApp کا استعمال کرتے ہوئے کسی بزنس کو میسج بھیجنے کا بٹن ہوتا ہے۔ اگر آپ نے اپنے فون پر WhatsApp انسٹال کیا ہوا ہے تو آپ کے پاس اس بزنس کو میسج بھیجنے کا آپشن ہوگا۔ Meta ان اشتہارات کے ساتھ آپ کی بات چیت کا طریقہ استعمال کر سکتا ہے تاکہ جن اشتہارات کو آپ Facebook یا Instagram پر دیکھتے ہیں انہیں ذاتی بنا سکے۔
WhatsApp پر Meta Pay: ان ممالک میں جہاں پیمنٹس دستیاب ہے، WhatsApp کی علیحدہ پیمنٹس کی پرائیویسی کی پالیسیاں چلتی ہیں، جن تک آپ یہاں رسائی حاصل کر سکتے ہیں۔ وہ پرائیویسی پالیسیاں اس اپ ڈیٹ سے متاثر نہیں ہوئی ہیں۔
