तुमचा फोन नंबर कसा बदलावा

Android

iPhone

'नंबर बदला' या फीचरमुळे तुम्हाला त्याच फोनवर किंवा नव्या फोनवर WhatsApp शी लिंक असलेला फोन नंबर बदलण्यात मदत होते. तुमचा फोन नंबर बदलण्याआधी हे करा:

तुमच्या नवीन फोन नंबरवर SMS किंवा कॉल येत असल्याची आणि फोनमध्ये उत्तम मोबाइल इंटरनेट असल्याची खात्री करा.
तुमच्या फोनमधील WhatsApp वर तुमच्या जुन्या फोन नंबरची नोंदणी झालेली आहे याची खात्री करा. तुम्ही WhatsApp सेटिंग्ज उघडून आणि तुमच्या प्रोफाइल फोटोवर टॅप करून तुमचा नोंदणी केलेला फोन नंबर पाहू शकता.
तुम्ही सपोर्ट असलेला फोन नंबर वापरत आहात याची खात्री करा. सपोर्ट नसलेल्या फोन नंबरची WhatsApp वर नोंदणी केली जाऊ शकत नाही. या फोन नंबर्समध्ये खालील फोन नंबर्सचा समावेश आहे:
VoIP
लँडलाइन (टीप: लँडलाइन नंबर्स फक्त WhatsApp Business ॲपवर स्वीकारले जातात)
टोल-फ्री नंबर्स
पेड प्रीमियम नंबर्स
युनिव्हर्सल ॲक्सेस नंबर्स (UAN)
खाजगी नंबर्स

त्याच फोनवर फोन नंबर बदलणे

तुमच्या डिव्हाइसमध्ये नवीन फोन नंबरचे सिमकार्ड घाला. त्यानंतर खालील पायऱ्या वापरा:

WhatsApp सेटिंग्ज उघडा.

खाते > नंबर बदला > पुढे यावर टॅप करा.

पहिल्या फील्डमध्ये तुमचा जुना फोन नंबर लिहा आणि त्यानंतरच्या फील्डमध्ये नवा फोन नंबर लिहा. हे दोन्ही नंबर आंतरराष्ट्रीय फॉरमॅटमध्ये आहेत याची खात्री करा.

पुढे वर टॅप करा.

तुम्ही संपर्कांना सूचित करा सुरू केल्यास, तुम्हाला सर्व संपर्क, मी ज्यांच्यासोबत चॅट केले आहे ते संपर्क किंवा कस्टम... यांपैकी कोणाला सूचित करायचे आहे तो पर्याय तुम्ही निवडू शकता तुम्ही कस्टम... हा पर्याय निवडल्यास, तुम्ही ज्यांना सूचित करू इच्छिता ते संपर्क तुम्हाला शोधावे लागतील, त्यानंतर पूर्ण झाले टॅप करावे लागेल.
तुम्ही फोन नंबर बदलला आहे याची सूचना तुमच्या ग्रुप चॅट्सना आपोआप मिळेल. तुम्ही फोन नंबर बदलला आहे हे तुमच्या संपर्कांना कळवण्याबाबतच्या निवडीचा यावर काही परिणाम होणार नाही.

पूर्ण झाले वर टॅप करा.

त्यानंतर तुम्हाला तुमच्या नवीन फोन नंबरची पडताळणी करण्याच्या सूचना दिल्या जातील. अधिक जाणून घेण्यासाठी हा लेख पहा.

नवीन फोनवर फोन नंबर बदलणे

तुमचे पूर्वीचे चॅट ट्रान्सफर करण्याकरिता, तुम्ही तुमच्या जुन्या फोनवर एक iCloud किंवा कॉंप्युटर बॅकअप तयार करणे गरजेचे असेल. ते कसे करावे हे जाणून घेण्यासाठी हा लेख पहा. तुम्ही iCloud किंवा कॉंप्युटर बॅकअप तयार केला नाहीत, तर तुमचा बॅकअप रिस्टोअर कसा करता येईल याविषयी अधिक जाणून घेण्यासाठी तुम्हाला Apple सपोर्ट वेबसाइटला भेट द्यावी लागेल.

तुमच्या जुन्या फोनवरील तुमचा फोन नंबर बदलल्यानंतर, तुमचा नवीन फोन वापरून खालील पायऱ्या वापरा:

WhatsApp इंस्टॉल करा.

तुमच्या नवीन फोन नंबरची पुन्हा एकदा नोंदणी करा.

तुमचा बॅकअप रिस्टोअर करा.

टीप: तुम्ही तुमचा फोन नंबर बदलल्यास आणि तेच WhatsApp खाते वापरल्यास, तुमचे ब्लॉक केलेले संपर्क ब्लॉक केलेलेच राहतील.