مشکوک لنکس کے بارے میں
Android
iPhone
ویب اور ڈیسک ٹاپ
چیٹ میں موصول ہونے والے کچھ لنکس کیلئے آپ کو مشکوک لنک کا انڈیکیٹر دکھائی دے سکتا ہے۔
یہ انڈیکیٹر اس صورت میں ظاہر ہو سکتا ہے جب لنک میں ایسے کریکٹرز کا ملاپ شامل ہو جسے غیر معمولی مانا جاتا ہے۔ اسپامرز آپ سے دھوکے سے لنکس پر ٹیپ کروانے کی خاطر کریکٹرز کے امتزاج استعمال کرتے ہیں۔ یہ لنکس بظاہر درست ویب سائٹس کے لگ سکتے ہیں مگر دراصل آپ کو نقصان دہ سائٹس پر لے جاتے ہیں۔
مشکوک لنک کی ایک مثال یہ ہے:
https://ẉhatsapp.com/free-tickets
نوٹ: پہلا کریکٹر حرف "w" جیسا لگتا ہے مگر یہ دراصل کریکٹر "ẉ" ہے۔ اس کا مطلب ہے کہ ممکنہ طور پر اسپامر آپ کو دھوکے سے ایسی ویب سائٹ پر لے گیا جس کا WhatsApp سے تعلق نہیں ہے۔
ایسے لنکس موصول ہونے پر میسج کے مواد کا بغور جائزہ لیں۔ اگر کوئی لنک مشکوک کے طور پر نشان زد ہے تو آپ لنک پر ٹیپ کر سکتے ہیں اور ایک پاپ اپ میسج دکھائی دے گا۔ میسج لنک میں موجود کسی بھی خلاف معمول کریکٹر کو ہائی لائٹ کرے گا۔ اس کے بعد آپ لنک کھولنے یا پھر واپس چیٹ پر جانے کا انتخاب کر سکتے ہیں۔
WhatsApp خود کار طور پر یہ تعین کرنے کیلئے جانچ کرتا ہے کہ آیا لنک مشکوک ہے یا نہیں۔ آپ کی پرائیویسی کی حفاظت کے لیے، یہ جانچیں مکمل طور پر آپ کے آلے پر ہوتی ہیں۔ یاد رکھیں، اینڈ ٹو اینڈ ٹو اینڈ اینکرپشن کی وجہ سے WhatsApp آپ کے میسجز کا مواد نہیں دیکھ سکتا ہے۔
WhatsApp پر محفوظ رہنے کے طریقے کے بارے میں مزید جاننے کے لیے یہ مضمون پڑھیں۔
