ನಿಮ್ಮ ಖಾತೆಯನ್ನು ಹೇಗೆ ಅಳಿಸುವುದು
Android
iPhone
KaiOS
ನೀವು ನಿಮ್ಮ ಖಾತೆಯನ್ನು WhatsApp ನಿಂದ ಅಳಿಸಬಹುದು. ನಿಮ್ಮ ಖಾತೆಯನ್ನು ಅಳಿಸುವುದು ಒಂದು ಹಿಂಪಡೆಯಲಾಗದ ಪ್ರಕ್ರಿಯೆಯಾಗಿದೆ. ಒಂದು ವೇಳೆ ನೀವು ಆಕಸ್ಮಿಕವಾಗಿ ಅಳಿಸಿದ್ದರೂ, ನಾವು ಅದನ್ನು ಹಿಂಪಡೆಯಲು ಸಾಧ್ಯವಿಲ್ಲ.
ನಿಮ್ಮ ಖಾತೆಯನ್ನು ಅಳಿಸಲು
- WhatsApp ತೆರೆಯಿರಿ.
- ಇನ್ನಷ್ಟು ಆಯ್ಕೆಗಳು> ಸೆಟ್ಟಿಂಗ್ಸ್ > ಖಾತೆ > ನನ್ನ ಖಾತೆ ಅಳಿಸಿ ಟ್ಯಾಪ್ ಮಾಡಿ.
- ನಿಮ್ಮ ಫೋನ್ ಸಂಖ್ಯೆಯನ್ನು ಪೂರ್ಣ ಅಂತರಾಷ್ಟ್ರೀಯ ಸ್ವರೂಪದಲ್ಲಿ ನಮೂದಿಸಿ ಮತ್ತು ನನ್ನ ಖಾತೆ ಅಳಿಸಿ ಟ್ಯಾಪ್ ಮಾಡಿ.
- ನಿಮ್ಮ ಖಾತೆಯನ್ನು ಏಕೆ ಅಳಿಸುತ್ತಿದ್ದೀರಿ ಎಂಬುದಕ್ಕೆ ಡ್ರಾಪ್‌ಡೌನ್‌ನಲ್ಲಿ ಒಂದು ಕಾರಣವನ್ನು ಆಯ್ಕೆಮಾಡಿ.
- ನನ್ನ ಖಾತೆ ಅಳಿಸಿ ಟ್ಯಾಪ್ ಮಾಡಿ.
ನಿಮ್ಮ ಖಾತೆಯನ್ನು ಅಳಿಸುವುದರಿಂದ:
- WhatsApp ನಿಂದ ನಿಮ್ಮ ಖಾತೆ ಅಳಿಸಿಹೋಗುತ್ತದೆ.
- ನಿಮ್ಮ ಹಳೆಯ ಮೆಸೇಜ್‌ ಅಳಿಸಿಹೋಗುತ್ತದೆ.
- ನಿಮ್ಮನ್ನು ಎಲ್ಲಾ WhatsApp ಗ್ರೂಪ್‌ಗಳಿಂದ ಅಳಿಸಲಾಗುತ್ತದೆ.
- ನಿಮ್ಮ Google Drive ಬ್ಯಾಕಪ್ ಅಳಿಸಿಹೋಗುತ್ತದೆ.
ನೀವು ನಿಮ್ಮ ಖಾತೆಯನ್ನು ಅಳಿಸಿದರೆ:
- ನೀವು ನಿಮ್ಮ ಖಾತೆಗೆ ಪುನಃ ಪ್ರವೇಶಿಸಲು ಸಾಧ್ಯವಾಗುವುದಿಲ್ಲ.
- ನಿಮ್ಮ WhatsApp ಮಾಹಿತಿ ಅಳಿಸಿಹೋಗಲು, ಅದರ ಅಳಿಸುವ ಪ್ರಕ್ರಿಯೆಯ ಆರಂಭವಾದಾಗಿನಿಂದ 90 ದಿನಗಳವರೆಗಿನ ಸಮಯ ತೆಗೆದುಕೊಳ್ಳಬಹುದು. ನೈಸರ್ಗಿಕ ವಿಕೋಪ, ಸಾಫ್ಟ್‌ವೇರ್ ದೋಷ ಅಥವಾ ಡೇಟಾ ನಷ್ಟವಾಗುವಂತಹ ಇತರ ಸಂದರ್ಭದಲ್ಲಿ ರಿಕವರ್‌ಗಾಗಿ ನಾವು ಬಳಸುವ ಬ್ಯಾಕಪ್ ಸ್ಟೋರೇಜ್‍ನಲ್ಲಿ 90 ದಿನಗಳ ನಂತರವೂ ನಿಮ್ಮ ಮಾಹಿತಿಯ ಪ್ರತಿಗಳು ನಮ್ಮಲ್ಲಿ ಉಳಿಯಬಹುದು. ಈ ಸಂದರ್ಭದಲ್ಲಿ ನಿಮಗೆ WhatsApp ನಲ್ಲಿ ನಿಮ್ಮ ಮಾಹಿತಿಯು ಲಭ್ಯವಿರುವುದಿಲ್ಲ.
- ನೀವು ರಚಿಸಿದ ಗ್ರೂಪ್‌ಗಳಿಗೆ ಸಂಬಂಧಪಟ್ಟಂತಹ ಇತರ ಮಾಹಿತಿ ಅಥವಾ ನಿಮಗೆ ಸಂಬಂಧಿಸಿದಂತೆ ಇತರ ಬಳಕೆದಾರು ಹೊಂದಿರುವಂತಹ ಮಾಹಿತಿಯ ಮೇಲೆ ಇದು ಪರಿಣಾಮ ಬೀರುವುದಿಲ್ಲ. ಉದಾಹರಣೆಗೆ ನೀವು ಅವರಿಗೆ ಕಳುಹಿಸಿದ ಮೆಸೇಜ್‌ಗಳ ಪ್ರತಿಗಳು.
- ರೆಕಾರ್ಡ್‌ಗಳ ಸಂಗ್ರಹಣೆಯಂತಹ ಸಂದರ್ಭದಲ್ಲಿ ಕೆಲವು ವಿಷಯಗಳ ಪ್ರತಿಗಳು ನಮ್ಮ ಡೇಟಾಬೇಸ್‌ನಲ್ಲಿ ಉಳಿಯಬಹುದು. ಆದರೆ ಅವುಗಳನ್ನು ವೈಯಕ್ತಿಕವಾಗಿ ಗುರುತಿಸಲು ಸಾಧ್ಯವಾಗದಂತೆ ಪ್ರತ್ಯೇಕಿಸಲಾಗಿರುತ್ತದೆ.
- ಕಾನೂನು ವಿಚಾರಗಳು, ನಿಯಮಗಳ ಉಲ್ಲಂಘನೆ ಅಥವಾ ಹಾನಿ ತಡೆಗಟ್ಟುವ ಪ್ರಯತ್ನಗಳಂತಹ ಪ್ರಕ್ರಿಯೆಗಾಗಿ ನಿಮ್ಮ ಮಾಹಿತಿಯನ್ನು ನಾವು ಇರಿಸಿಕೊಳ್ಳಬಹುದು.
- ಹೆಚ್ಚಿನ ಮಾಹಿತಿಗಾಗಿ ದಯವಿಟ್ಟು ನಮ್ಮ ಗೌಪ್ಯತಾ ನೀತಿಯಲ್ಲಿನ ಕಾನೂನು ಮತ್ತು ಸುರಕ್ಷತೆ ವಿಭಾಗವನ್ನು ನೋಡಿ.
- ಇತರ Facebook ಕಂಪನಿಗಳೊಂದಿಗೆ ಶೇರ್ ಮಾಡಿದ ನಿಮ್ಮ ಮಾಹಿತಿಯನ್ನು ಸಹ ಅಳಿಸಲಾಗುತ್ತದೆ.
ಸಂಬಂಧಿತ ಸಂಪನ್ಮೂಲಗಳು:
