WhatsApp Business ॲपसाठी नोंदणी कशी करावी
आवश्यक गोष्टी
- तुम्ही फक्त तुमच्या मालकीच्या मोबाइल फोन नंबरची किंवा लँडलाइन नंबरची (स्थिर) नोंदणी करू शकता.
- तुम्ही ज्या फोन नंबरची नोंदणी करत आहात, त्या फोन नंबरवर तुम्हाला फोन कॉल्स आणि SMS येतात का, याची खात्री करून घेता आली पाहिजे.
- तुम्ही सपोर्ट असलेला फोन नंबर वापरत आहात याची खात्री करा. सपोर्ट नसलेल्या फोन नंबरची WhatsApp वर नोंदणी केली जाऊ शकत नाही. या फोन नंबर्समध्ये खालील फोन नंबर्सचा समावेश आहे:
- VoIP
- टोल-फ्री नंबर्स
- पेड प्रीमियम नंबर्स
- युनिव्हर्सल ॲक्सेस नंबर्स (UAN)
- खाजगी नंबर्स
- तुमची सर्व कॉल ब्लॉकिंग सेटिंग्ज, ॲप्स किंवा टास्क किलर्स हे सर्व 'बंद' वर सेट असायला हवे.
- तुम्ही मोबाइल फोनद्वारे तुमच्या नंबरची नोंदणी करत असल्यास तुमच्याकडे मोबाइल डेटा किंवा वाय-फायच्या रूपात सक्रिय इंटरनेट कनेक्शन असणे आवश्यक आहे. तुम्ही रोमिंगमध्ये असल्यास किंवा कनेक्शन चांगले नसल्यास, ही नोंदणी व्यवस्थित पार पडणार नाही. तुमच्या फोनवरील इंटरनेट ब्राउझरवरून https://www.whatsapp.com/business/ उघडा आणि तुमचे इंटरनेट कनेक्शन नीट चालते आहे का ते पहा.
- तुम्ही लँडलाइनद्वारे नोंदणी करत असल्यास, पडताळणी कोड प्राप्त करण्यासाठी मला कॉल करा वर टॅप करा.
नोंदणी कशी करावी
- तुमचा फोन नंबर एंटर करा:
- ड्रॉप-डाउन लिस्टमधून तुमचा देश निवडा. यामुळे डावीकडे तुमचा कंट्री कोड आपोआप एंटर होईल.
- उजवीकडील चौकटीमध्ये मोबाइल नंबर एंटर करा. तुमच्या फोन नंबरअगोदर 0 लावू नका.
- नोंदणी कोड प्राप्त करण्यासाठी पूर्ण झाले वर टॅप करा. सूचित केल्यास, फोन कॉलद्वारे कोड प्राप्त करण्यासाठी तुम्ही मला कॉल करा यावरही टॅप करू शकता.
- एसएमएस किंवा फोन कॉलद्वारे मिळालेला ६ अंकी नोंदणी कोड एंटर करा.
- टीप: तुमच्याकडे iCloud Keychain सुरू केलेले असल्यास आणि या नंबरची पूर्वी नोंदणी केली असल्यास, तुम्हाला नवीन एसएमएस कोड न मिळता तुमची नोंदणी आपोआप होईल.
लँडलाइनसाठी एक्स्टेंशन नंबर वापरणे
नोंदणी प्रक्रिया पूर्ण करण्याच्या प्रक्रियेमध्ये लँडलाइन एक्स्टेंशन नंबर्स वापरता येत नाहीत. तुमच्या फोन नंबरची नोंदणी करण्यासाठी, कृपया तुमच्या लँडलाइन नंबरचे एक्स्टेंशन वापरू नका. सुरक्षेच्या कारणास्तव, तुम्ही तुमच्या बिझनेस खात्यासाठी तुम्ही जो नंबर वापरणार असाल, आम्ही केवळ त्याच लँडलाइन नंबरवर ६ अंकी नोंदणी कोड पाठवू शकतो.
तुम्हाला एसएमएसद्वारे ६ अंकी कोड न मिळाल्यास
- प्रोग्रेस बार संपेपर्यंत प्रतीक्षा करा आणि पडताळणी प्रक्रिया परत करून पहा. याकरिता साधारण १० मिनिटे लागू शकतात; त्यामुळे, कृपया धीर धरा.
- कृपया, पडताळणी कोड अंदाजाने ओळखण्याचा प्रयत्न करू नका. असे केल्यास तुम्हाला ठरावीक काळासाठी लॉक आउट केले जाईल.
- तुम्हाला नोंदणी कोड मिळण्याअगोदरच टायमर संपून गेल्यास फोन कॉलद्वारे कोड मिळवण्याचा पर्याय उपलब्ध करून दिला जाईल. कॉलची विनंती करण्यासाठी मला कॉल करा निवडा. तुम्ही कॉलला उत्तर द्याल, तेव्हा एक ऑटोमेटेड आवाज तुम्हाला ६ अंकी नोंदणी कोड सांगेल. WhatsApp Business ॲपमध्ये हा कोड एंटर करा.
- टीप: तुमच्या कॅरिअरनुसार तुम्हाला एसएमएस किंवा फोन कॉलसाठी शुल्क लागू शकते.
लक्षात ठेवा: तुमचा ६ अंकी नोंदणी कोड कोणासोबतही शेअर करू नका.
समस्यांचे निराकरण
नोंदणी करताना समस्या येत असल्यास, पुढील गोष्टी करून पहा:
- तुमचा फोन बंद करा, ३० सेकंद थांबा आणि पुन्हा सुरू करा.
- WhatsApp Business हटवा आणि येथून त्याची नवीनतम आवृत्ती परत इंस्टॉल करा.
- कोणत्याही मोबाइल फोनवरून तुम्ही नोंदणी करण्याचा प्रयत्न करत असलेल्या फोन नंबरवर एसएमएस पाठवून तुमच्या कॅरिअरचे रिसेप्शन तपासा. तुम्ही WhatsApp Business ॲपमध्ये एंटर केला आहे त्याप्रमाणे तुमच्या मोबाइल फोन नंबर कंट्री कोडसह जसाच्या तसा एंटर करा.
- टीप: सुरक्षाविषयक कारणास्तव आम्ही तुमचा नोंदणी कोड तुम्हाला इतर पद्धतींनी पाठवू शकत नाही.
