Â
Kuhusu Vyumba vya Messenger
Vyumba vya Messenger vinakuwezesha kupigiana simu na kutangamana na familia, marafiki na watu ambao mna mambo yanayowaunganisha. Kwa kutumia programu ya Messenger au kufungua tovuti ya Messenger kwenye simu au kivinjari cha wavuti, unaweza kuanzisha vyumba ambamo vikundi vikubwa vinaweza kujumuika ili kupiga soga ya video. Kisha unaweza kutuma viungo vya mwaliko kwa watu unaowasiliana nao na vikundi vya soga kwenye WhatsApp ili waweze kujiunga na vyumba hivi, hata kama hawana akaunti ya Facebook au programu ya Messenger.
Njia za mkato za Vyumba vya Messenger hazipatikani tena ndani ya WhatsApp. Messenger ni programu na tovuti tofauti, kwa hivyo unapounda chumba, unahitaji kuingia kwa kutumia akaunti yako ya Facebook. Kipengele cha Vyumba kipo nje ya WhatsApp, na soga za video kwenye Vyumba vya Messenger havina ufumbaji wa mwisho hadi mwisho.
Mtumiaji yeyote wa WhatsApp unayeshiriki naye kiungo cha chumba anaweza kujiunga na chumba, kwa hivyo shiriki kiungo hiki na watu unaowaamini pekee. Inawezekana kwa mtu kusambaza kiungo hicho kwa watu wengine. Ikiwa hivyo, watu wengine pia wanaweza kujiunga na chumba, hata kama hukuwatumia kiungo moja kwa moja.
Vyumba vya Messenger ni kipengele kinachomilikiwa na kuundwa na Messenger. Kwa kuwa Messenger na bidhaa nyingine za Meta hazina lugha zote zinazopatikana kwenye WhatsApp, unaweza kuona baadhi ya ujumbe uliowekwa mapema au viungo kutoka Messenger kwa lugha tofauti na ile ya simu au kompyuta yako. Unapotumia Vyumba vya Messenger au bidhaa nyingine za Meta, masharti na desturi za faragha za bidhaa hizo zitasimamia utumiaji wako wa huduma hizo. Kwa maelezo zaidi kuhusu Vyumba vya Messenger, tafadhali soma makala haya. Kwa maelezo zaidi kuhusu jinsi WhatsApp inavyofanya kazi na Kampuni nyingine za Meta, angalia Masharti yetu ya Huduma na Sera za Faragha.
