Faragha na usalama kwa ajili ya ujumbe wa kibiashara

Utumaji Ujumbe wa Kibiashara
Kila ujumbe wa WhatsApp hulindwa na itifaki ile ile ya ufumbaji wa Signal ambayo hudumisha usalama wa ujumbe kabla haujatoka kwenye kifaa chako. Unapotuma ujumbe kwenda kwenye akaunti ya WhatsApp ya biashara, ujumbe wako hufikishwa kwa usalama kwenye sehemu iliyochaguliwa na biashara hiyo.
WhatsApp huchukulia kwamba soga kati yako na biashara zinazotumia programu ya WhatsApp Business au zinazodhibiti na kujihifadhia ujumbe wa wateja huwa zimefumbwa mwisho hadi mwisho. Baada ya ujumbe kupokelewa, utakuwa chini ya taratibu za faragha za biashara husika. Biashara hiyo inaweza kuwapa idadi fulani ya wafanyakazi au hata mashirika mengine, jukumu la kuchakata na kujibu ujumbe.
Baadhi ya biashara1 zitaweza kuchagua kampuni mama ya WhatsApp, ambayo ni Meta, katika kuhifadhi ujumbe kwa usalama na kujibu wateja. Facebook haitaonyesha ujumbe wako kati yake na biashara kwenye akaunti ya binafsi ya Facebook. Facebook haitatumia ujumbe wako kiotomatiki ili kujulisha matangazo unayoyaona. Hata hivyo, biashara zitaweza kutumia soga wanazopokea kwa madhumuni yao wenyewe ya uuzaji, ikiwa ni pamoja na kutangaza kwenye Meta. Unaweza kuwasiliana na biashara husika wakati wowote ili upate maelezo zaidi kuhusu taratibu zake za faragha.
Kumbuka: Hali ya ufumbaji wa soga ambayo imefumbwa mwisho hadi mwisho haiwezi kubadilika bila mabadiliko husika kuonekana kwa mtumiaji. Kwa maelezo zaidi kuhusu ni soga zipi hufumbwa mwisho hadi mwisho, tafadhali soma waraka wetu rasmi.
Udhibiti ni wako
WhatsApp hutaka kuhakikisha kwamba unaelewa kinachofanyika kwa ujumbe wako. Ikiwa hungependa kupokea ujumbe kutoka kwa mtu au biashara, unaweza:
  • Kumzuia moja kwa moja kwenye soga
  • Kumfuta kwenye orodha yako ya anwani
Tungependa kuhakikisha kwamba unaelewa jinsi ambavyo ujumbe wako hushughulikiwa. Pia tungependa kuhakikisha kwamba una chaguo unazohitaji ili kufanya uamuzi unaokufaa.
1Mwaka wa 2021.
Je, hili linajibu swali lako?
Ndiyo
La